تانىمال جۋرناليست بيبٸگٷل دەۋلەتبەكقىزى «حابار» اگەنتتٸگٸ» اق باسقارما باستىعىنىڭ ورىنباسارى رينات كەرتاەۆتى ايىپتاپ جازبا جارييالادى. اۆتور رينات دۋمانۇلىنىڭ ٶز يدەياسىن ۇرلاپ العانىن تٸلگە تيەك ەتكەن. تولىعىراق تٶمەندەگٸ مەتٸندە:
***
ايتپاقشى, وسىندا بٸر جەڭٸل جٷرٸستٸ قازاق قىزى فىبىدا تٸكەلەي ەفير جٷرگٸزٸپ جٷرٸپ(ەركەكتەرگە دۋشقا كٸرٸپ جۋىنعانىن, ودان قالدى دەرەتحانادا وتىرعانىن, اۋىزى تولعان مۋسور, ٶزگە ۇلت ٶكٸلدەرٸمەن اراق ٸشٸپ, تەمەكٸ شەگٸپ وتىرعانىن تٸكەلەي ەفيردە كٶرسەتەدٸ ەكەن), وتاندىق كٶگٸلدٸر ەكرانعا شىعىپ كەتتٸ دەگەن سٶزدٸ ەستٸدٸم. سوندا بۇل - قازاق جۋرناليستيكاسىنىڭ ٶلگەنٸ مە?! ەنشٸلەردەن قۇتىلا الماي جاتقانىمىزدا, ەندٸ قالماعانى جىن-ويناق پا?
تەلەارناداعى ەرٸپتەستەر, ەگەر رەيتينگ ٷشٸن وسىلاي جاساي بەرسەڭٸزدەر, بٸر كٷنٸ ساين كٶشەسٸندەگٸ پريتونداردا جۇمىس ٸستەۋگە كەلٸسٸپ كەتەتٸندەيسٸزدەر عوي. مىناۋ ناعىز سۇمدىق.
تەلەارنادان شىققان ەربٸر جٷرگٸزۋشٸ - حالىقتىڭ ايناسى. سوندا پۋتانالاردى وسىلاي ەفيرگە شىعارسا, جەتكەن جەرٸمٸز وسى ەكەن دە.
دەۋرەن اباەۆ مىرزا تىم بوس جٸبەرٸپ قويعان جوق پا جۋرناليستيكا سالاسىن دەگەن وي كەتەدٸ كەيدە. نەگە ەفيردٸڭ جٷرگٸزۋشٸلەرٸن قاداعالامايدى? نەگە ەفيردە جەڭٸل جٷرٸستٸلەر قاپتاپ بارادى? ولاردى كٶرگەن جاس كٶرەرمەندەر ەلٸكتەيدٸ عوي. "انا اپايىمىز 2 رەت كٷيەۋگە شىعىپتى, مىنا جٷرگٸزۋشٸ توقالى ەكەن. مىناۋ بولسا كٷيەۋٸنٸڭ كٶزٸنە شٶپ سالىپ, اقىل ايتۋدا. مەنٸڭ ودان قاي جەرٸم كەم?" دەگەن تٷيسٸك قالىپتاسپاي ما?
"رەيتينگ, رەيتينگ" دەپ, جاستارىمىزدى ۋلاپ جاتقان سەكٸلدٸمٸز. يدەولوگييا جوق. باياعىدا ٶلٸپ قالعان. وسىنداي داڭعازا-شۋ باعدارلامالاردان گٶرٸ, نەگە پەدوفيل, سۋيتسيدتٸڭ الدىن الۋ تۋرالى كٶرەرمەن قىزىعىپ قارايتىن حابارلار اشپاسقا? قازٸرگٸ باق-تىڭ ايتاتىنى - "جول اپاتى", "پەدوفيل كٸشكەنتاي قىزدى زورلاپتى", "قىرشىنداي جٸگٸت ٶزٸن-ٶزٸ كٶپٸردەن لاقتىردى", "پەلەنشەنٸ سوتتاپتى, اناۋ ٶزٸن ٶرتەپتٸ" ت.ب.
بٸر تۇششىمدى حابارلار جوق.
سالماقتى حابارىمدى شىعارعىم كەلگەن ەدٸ 2-3 جىل بۇرىن. حابارداعى رينات كەرتاەۆ "اي-حاي, 25" توك-شوۋىمدى, "پاي-پاي, 25" ەتٸپ ٶزگەرتٸپ, ايدى اسپانعا شىعارىپ, ەفيردەن كٶرسەتەتٸنٸن دە بىلتىر وسى فەيسبۋكتان بٸلدٸم(ريناتتى ايتامىن دا "سٷيٸنشٸلەتٸپ" قويادى). بٸراق, باسى بٸراز داۋعا قالدى. ول باعدارلامانىڭ اۆتورى مەن ەكەنٸن ەرٸپتەستەرٸم جازدى. الايدا, رينات مىرزا مەنٸڭ نٶمٸرٸمە حابارلاسىپ:
- بيبٸگٷل, كەلٸسٸمگە كەلەيٸك, ٶتٸنٸش?! ەكەۋمٸز قازٸر بەت جىرتىسقاننان ەشتەڭە ٶنبەيدٸ,- دەپ, مەنٸ كەزدەسۋگە شاقىردى.
"بولارى بولىپ, بوياۋى سٸڭٸپ" كەتكەن حابارىمدى يەمدەنگەنٸن بٸلگەنٸمدە, ەرينە قاتتى ىزالاندىم. جىلاپ تا الدىم. بٸراق, رينات 2016 جىلعى بيۋدجەتتەن اقشا قاراستىرىپ, باسقا باعدارلامالارىمدى ساتىپ الاتىنىن ايتقاننان سوڭ, بٸتٸمگە كەلدٸم. الايدا, كابينەتٸندە قولىن بەرٸپ, ۋەدەسٸن ايتقان رينات كەرتاەۆ "ەركەكتٸك" سٶزٸندە تۇرمادى. مٸنە, بۇل بٸر عانا مىسال.
مەن سەكٸلدٸ تالاي جۋرناليستەردٸڭ تاۋى شاعىلىپ جاتقانى قانشاما? ريناتتىڭ ۇياتى بٸلسٸن. بۇل دٷنيەدە - اتاق-مانساپ مەڭگٸلٸك ەمەس! ٶمٸر - الما-كەزەك. بٷگٸن كرەسلودا ول وتىرسا "قونجيىپ", ەرتەڭ مەن وتىرامىن. بٷگٸنگٸ كٷنمەن ٶمٸر سٷرگەن تەلەارنا باسشىلارىنىڭ تالايىن كٶردٸم. قازٸر شٸرەنٸپ وتىرادى, ەرتەڭ بٷگٸلٸپ كەتەدٸ. كەشە عانا زەرٸن تٶگٸپ, قاھارلانعانداردىڭ دا, ەرتەسٸنە مەيمٶڭكەلەپ كەتەتٸنٸن دە ۋاقىت كٶرسەتتٸ.
"بيبٸگٷل اينالايىن, ٶسەكتٸڭ جەتەگٸندە كەتتٸم, اعاڭدى كەشٸر", - دەگەن باسشىلارىم دا بولدى.
مەن كەشٸرٸمدٸمٸن. بٸراق, يدەيا ۇرلاۋشىلاردىڭ ٶمٸرٸ كەرەمەت بولىپ كەتەتٸنٸنە سەنٸمسٸزبٸن. سول پلاگياتشىلارعا 2010 جىلى شىققان فرانتسييانىڭ "بەز ۋليك" دەگەن فيلمدٸ كٶرۋگە كەڭەس بەرەمٸن. بٸراق ونداعى كەيٸپكەردٸڭ ادامگەرشٸلٸگٸ بار, ۇياتى جٸبەرمەي, تالاي جىلدار بويى كٷندٸز كٷلكٸدەن, تٷندە ۇيقىدان ايىرىلادى. بٸزدٸكٸلەر سەكٸلدٸ "بٸر كٷندٸكپەن" ٶمٸر سٷرمەيدٸ.
ەفيردٸڭ لاستانۋىنا دا وسىنداي باسشىلار كٸنەلٸ. ولاردىڭ باستارىندا تەك - رەيتينگ تۇر. اۆتورلىق قۇقىعىمىز باياعىدا تاپتالعان. باسىندا يدەياسى جوق, پلاگياتپەن جۇمىس ٸستەيتٸن قازاق باسشىلارى تۇرعاندا, وسىلاي تەلەارنالار قۇردىمعا كەتە بەرمەك...
بۇل دەگراداتسييا!
