BǴM jalǵan aqparat taratý deregi boiynsha málimdeme jasady, - dep habarlaidy "Ult aqparat" vedomstvonyń baspasóz qyzmetine silteme jasap.
"Aǵymdaǵy jyldyń aqpan aiynda ǵylymi jumystardy qarjylandyrý baiqaýynyń nátijelerin jariialaǵan soń birqatar ǵalymdar daýly saýaldaryna jaýap qaiyrýdy ótinip Ulttyq ǵylymi keńesterge, QR BǴM, Ǵylym komitetine, basqa da memlekettik organdarǵa jáne BAQ-na shyqqan edi. Olarǵa sáikesinshe túsiniktemeler berilgen bolatyn. Osyǵan qatysty internet-resýrstardyń birinde memlekettik organnyń qyzmetinde sybailas jemqorlyq júiesi quryldy dep aiyp taǵý sipatyndaǵy jala jabý jariialanymdary shyqty", - delingen málimdemede.
Bul jalǵan aqparattyń barlyǵy feik nik arqyly jariialanǵany aitylady. Sonymen qatar, Ǵylym komitetine buqarada taratylyp jatqan Elbasyna úndeýde qoiylǵan qoldar jalǵan ekeni týraly ǵalymdardyń shaǵymy kelip túsken.
"Jalǵan aqparattyń taraýyna bailanysty, is júzindegi zańnamaǵa sai biz quqyq qorǵaý organdaryna Qazaqstan Respýblikasynyń atalmysh zańynyń buzylýyna qatysty tekseris júrgizip, sharalar qoldaný týrasynda aryz berýge májbúr boldyq. Bizdiń málimetter boiynsha politsiia feiktik esimdermen jalǵan aqparatty qasaqana taratqan adamdardy izdestirip jatyr. Daýly saýaldarymen ashyq túrde ortaǵa shyqqan ǵalymdarǵa bizdiń esh narazylyǵymyz joq. Sondyqtan ǵalymdarǵa ýaiymdaityn esh sebep joq - Ǵylym komiteti ashyq, biraq bir mezgilde syndarly pikirtalas ótkizýge daiyn, mundai ózara pikir almasýlar sońǵy kezde jii ótip turdy, onyń ishinde BAQ-da da", - delingen ministrlik málimdemesinde.
Bul jaǵdaida kópshilikti ózderin durys ustap, oidan shyǵarylǵan aqparatty jeliler men BAQ-da taratpaýdy, tek shyndyqqa janasatyn tujyrymdamalardy tańdaýlaryńyzdy ótinemiz.
