Muǵalimderdi, ata-analardy nemese oqýshylardy májbúrleýge bolmaidy. Bul týraly búgin onlain brifingide QR Bilim jáne ǵylym vitse-ministri Sholpan Karinova málim etti, dep habarlaidy "Ult aqparat".
«Bilim jáne ǵylym ministrligi monitoring júrgizip otyr eken dep, barlyq muǵalimderdi, ata-analardy nemese oqýshylardy kúshtep, platformalarǵa qosylyńdar dep májbúrleýge bolmaidy. Biz tek qazirgi ýaqytta tórtinshi toqsan qashyqtan oqytý formatynda qalai bastalǵanyn baiqap otyrmyz. Osy oraida bul protseske muǵalimder men oqýshylar qanshalyqty kirise alǵanyn qarap shyqtyq. Jalpy, jaqsy úrdisti baiqadyq, 3 millionnan astam oqýshy bar bolsa, sonyń 1 millionǵa jýyǵy paidalanyp jatyr», - dedi vitse-ministr.
Osy oraida ol qashyqtan oqytý kezinde týyndaǵan kemshilikter zerdelenip otyratynyn atap ótti.
«Mektepterde qatyp qalǵan sabaq kestesi joq. Osy oraida ár mektepte muǵalimder ózderine yńǵaily sabaq kestesimen jumys isteidi, pedagogterge shyǵarmashylyq erkindik beriledi», - dedi Sh. Karinova.
Sonymen qatar vitse-ministr qashyqtan oqytý kezinde búgin tańerteń bastaýysh synyp oqýshylary bilim berý júielerin belsendi paidalanǵanyn aitty.
