Beijińde 2022 jylǵy qysqy Olimpiadanyń ashylý saltanaty bastaldy, dep habarlaidy "Ult aqparat" Olympic.kz saityna silteme jasap.
Sońǵy ret Qytai eli 2008 jylǵy jazǵy Olimpiadany qabyldaǵan bolatyn. Araǵa 14 jyl salyp qytailyqtar qysqy oiyndardy ótkizýde.
Osylaisha, Beijiń jazǵy jáne qysqy Olimpiadany qabyldaǵan alǵashqy memleket retinde tarihta qalmaq.
Ashylý saltanatyn qoiýshy rejisser – áigili Chjan Imoý. 2008 jylǵy jazǵy oiyndardyń ashylý saltanatyn da Imoý uiymdastyrǵan bolatyn.
Osy joly kovidke qarsy sharalardy saqtaý barysynda, qoiylymǵa qatysýshylar sany meiilinshe qysqardy. Shoýǵa 3 myń akter qatysady.
Árbir Olimpiadanyń eń mańyzdy sátteriniń biri – Olimpiada alaýy jaǵylatyn sát. Uiymdastyrýshylardyń aitýynsha, alaýdy jaǵý rásimi sońǵy 100 jylda bolmaǵan ádispen oryndalmaq.
Olimpiada «Jyldamyraq, biigirek, myqtyraq - birgemiz», - degen uranmen ótýde.
2022 jylǵy qysqy Olimpiada oiyndarynda Qazaqstan namysyn 34 sportshy qorǵaýda. Elimizdiń kók týyn Abzal Ájiǵaliev pen Ekaterina Aidova alyp shyqty.
