بەيجٸڭدە 2022 جىلعى قىسقى وليمپيادانىڭ اشىلۋ سالتاناتى باستالدى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
سوڭعى رەت قىتاي ەلٸ 2008 جىلعى جازعى وليمپيادانى قابىلداعان بولاتىن. اراعا 14 جىل سالىپ قىتايلىقتار قىسقى ويىنداردى ٶتكٸزۋدە.
وسىلايشا, بەيجٸڭ جازعى جەنە قىسقى وليمپيادانى قابىلداعان العاشقى مەملەكەت رەتٸندە تاريحتا قالماق.
اشىلۋ سالتاناتىن قويۋشى رەجيسسەر – ەيگٸلٸ چجان يموۋ. 2008 جىلعى جازعى ويىنداردىڭ اشىلۋ سالتاناتىن دا يموۋ ۇيىمداستىرعان بولاتىن.
وسى جولى كوۆيدكە قارسى شارالاردى ساقتاۋ بارىسىندا, قويىلىمعا قاتىسۋشىلار سانى مەيٸلٸنشە قىسقاردى. شوۋعا 3 مىڭ اكتەر قاتىسادى.
ەربٸر وليمپيادانىڭ ەڭ ماڭىزدى سەتتەرٸنٸڭ بٸرٸ – وليمپيادا الاۋى جاعىلاتىن سەت. ۇيىمداستىرۋشىلاردىڭ ايتۋىنشا, الاۋدى جاعۋ رەسٸمٸ سوڭعى 100 جىلدا بولماعان ەدٸسپەن ورىندالماق.
وليمپيادا «جىلدامىراق, بيٸگٸرەك, مىقتىراق - بٸرگەمٸز», - دەگەن ۇرانمەن ٶتۋدە.
2022 جىلعى قىسقى وليمپيادا ويىندارىندا قازاقستان نامىسىن 34 سپورتشى قورعاۋدا. ەلٸمٸزدٸڭ كٶك تۋىن ابزال ەجٸعاليەۆ پەن ەكاتەرينا ايدوۆا الىپ شىقتى.
