Búgin Beijiń Olimpiadasy oiyndarynda konkimen júgirýden 1000 metrlik qashyqtyqtaǵy jeńimpazdar men júldegerler anyqtaldy, dep habarlaidy QazAqparat.
Atalǵan synda Qazaqstan namysyn Nadejda Morozova men Ekaterina Aidova qorǵady.
Jarys qorytyndysy boiynsha Nadejda Morozova 1000 metrdi 1:15,69- sekýndta baǵyndyryp, Olimpiada oiyndaryn 11-orynmen aiaqtady.
Al Ekaterina Aidova atalǵan qashyqtyqty 1:16,70 ýaqyt kórsetkishimen júgirip ótip, jalpy esepte 19-orynnan kórindi.
Bul synda bas júldeni 1:13.19 ýaqyt kórsetkishimen japoniialyq Miho Takagi jeńip aldy. Ol sondai-aq Olimpiada rekordyn jańartty.
Ekinshi oryndy Niderlandy quramasynyń ókili Djýtta Leerdam (1:13,83) qanjyǵasyna bailady. Al 1000 metrdi 1:14.61 ýaqyt kórsetkishimen júgirip ótken amerikalyq Brittani Boýi qola júldeni enshiledi.
Aita keteiik, atalǵan Aq Olimpiadada oiyndarynda elimizdiń namysyn 8 sport túrinen 34 sportshy qorǵap jatyr.
Olar - qysqy sport oiyndarynyń ishinde sporttyń shańǵy jarysy, fristail-mogýl, shańǵy akrobatikasy, taý shańǵysy, shańǵymen sekirý, biatlon jáne short-trek túrlerinen synǵa túsýde.
Beijiń Olimpiadasy 20 aqpanda máresine jetedi.
