بٷگٸن بەيجٸڭ وليمپياداسى ويىندارىندا كونكيمەن جٷگٸرۋدەن 1000 مەترلٸك قاشىقتىقتاعى جەڭٸمپازدار مەن جٷلدەگەرلەر انىقتالدى, دەپ حابارلايدى قازاقپارات.
اتالعان سىندا قازاقستان نامىسىن نادەجدا موروزوۆا مەن ەكاتەرينا ايدوۆا قورعادى.
جارىس قورىتىندىسى بويىنشا نادەجدا موروزوۆا 1000 مەتردٸ 1:15,69- سەكۋندتا باعىندىرىپ, وليمپيادا ويىندارىن 11-ورىنمەن اياقتادى.
ال ەكاتەرينا ايدوۆا اتالعان قاشىقتىقتى 1:16,70 ۋاقىت كٶرسەتكٸشٸمەن جٷگٸرٸپ ٶتٸپ, جالپى ەسەپتە 19-ورىننان كٶرٸندٸ.
بۇل سىندا باس جٷلدەنٸ 1:13.19 ۋاقىت كٶرسەتكٸشٸمەن جاپونييالىق ميحو تاكاگي جەڭٸپ الدى. ول سونداي-اق وليمپيادا رەكوردىن جاڭارتتى.
ەكٸنشٸ ورىندى نيدەرلاندى قۇراماسىنىڭ ٶكٸلٸ دجۋتتا لەەردام (1:13,83) قانجىعاسىنا بايلادى. ال 1000 مەتردٸ 1:14.61 ۋاقىت كٶرسەتكٸشٸمەن جٷگٸرٸپ ٶتكەن امەريكالىق بريتتاني بوۋي قولا جٷلدەنٸ ەنشٸلەدٸ.
ايتا كەتەيٸك, اتالعان اق وليمپيادادا ويىندارىندا ەلٸمٸزدٸڭ نامىسىن 8 سپورت تٷرٸنەن 34 سپورتشى قورعاپ جاتىر.
ولار - قىسقى سپورت ويىندارىنىڭ ٸشٸندە سپورتتىڭ شاڭعى جارىسى, فريستايل-موگۋل, شاڭعى اكروباتيكاسى, تاۋ شاڭعىسى, شاڭعىمەن سەكٸرۋ, بياتلون جەنە شورت-ترەك تٷرلەرٸنەن سىنعا تٷسۋدە.
بەيجٸڭ وليمپياداسى 20 اقپاندا مەرەسٸنە جەتەدٸ.
