Qytai astanasy Beijiń qalasynda ótip jatqan Aq Olimpiada oiyndary kún ótken saiyn qyza túsýde. Jalpy medaldar kestesi sát sanap ózgerýde, dep habarlaidy QazAqparat.
Olimpiada oiyndary resmi ashylǵan 4 aqpannan beri jalpy medaldar kestesinde kósh bastap kele jatqan Norvegiia búgin 1-orynnan 6-orynǵa syrǵydy.
Keshe ǵana, iaǵni 6 aqpannyń qorytyndysynda ekinshi orynǵa jaiǵasqan Shvetsiia búgin 3 altyn medalmen jeke dara kósh basyna shyqty. Osydan bir kún buryn ekinshi orynda turǵan reseilikter búgin de sol biikterinen qulaǵan joq. Olardyń enshisinde 2 altyn, 3 kúmis, 2 qola medal bar.
Úzdik úshtikti 2 altyn, 2 kúmis, 1 qola medal jeńip alǵan Niderland quramasy túiindep tur.
Úzdik ondyqqa enip otyrǵan memleketter:
1. Shvetsiia - 3 altyn
2. Resei - 2 altyn, 3 kúmis, 2 qola
3. Niderland - 2 altyn, 2 kúmis, 1 qola
4. Qytai - 2 altyn, 2 kúmis
5. Germaniia - 2 altyn, 1 kúmis
6. Norvegiia - 2 altyn, 2 qola
7. Sloveniia - 2 altyn, 1 qola
8. Italiia - 1 altyn, 3 kúmis, 1 qola
9. Kanada - 1 altyn, 1 kúmis, 4 qola
10. Japoniia - 1 altyn, 1 kúmis, 2 qola.
Aita keteiik, dál búginge deiin jalpy 19 memlekettiń sportshylary Beijiń Olimpiadasynyń medalin jeńip alyp, mereii ústep boldy.
Ókinishke qarai qazaqstandyq sportshylardan áli eshkim júldeli oryndarǵa qol jetkize alǵan joq.
