قىتاي استاناسى بەيجٸڭ قالاسىندا ٶتٸپ جاتقان اق وليمپيادا ويىندارى كٷن ٶتكەن سايىن قىزا تٷسۋدە. جالپى مەدالدار كەستەسٸ سەت ساناپ ٶزگەرۋدە, دەپ حابارلايدى قازاقپارات.
وليمپيادا ويىندارى رەسمي اشىلعان 4 اقپاننان بەرٸ جالپى مەدالدار كەستەسٸندە كٶش باستاپ كەلە جاتقان نورۆەگييا بٷگٸن 1-ورىننان 6-ورىنعا سىرعىدى.
كەشە عانا, ياعني 6 اقپاننىڭ قورىتىندىسىندا ەكٸنشٸ ورىنعا جايعاسقان شۆەتسييا بٷگٸن 3 التىن مەدالمەن جەكە دارا كٶش باسىنا شىقتى. وسىدان بٸر كٷن بۇرىن ەكٸنشٸ ورىندا تۇرعان رەسەيلٸكتەر بٷگٸن دە سول بيٸكتەرٸنەن قۇلاعان جوق. ولاردىڭ ەنشٸسٸندە 2 التىن, 3 كٷمٸس, 2 قولا مەدال بار.
ٷزدٸك ٷشتٸكتٸ 2 التىن, 2 كٷمٸس, 1 قولا مەدال جەڭٸپ العان نيدەرلاند قۇراماسى تٷيٸندەپ تۇر.
ٷزدٸك وندىققا ەنٸپ وتىرعان مەملەكەتتەر:
1. شۆەتسييا - 3 التىن
2. رەسەي - 2 التىن, 3 كٷمٸس, 2 قولا
3. نيدەرلاند - 2 التىن, 2 كٷمٸس, 1 قولا
4. قىتاي - 2 التىن, 2 كٷمٸس
5. گەرمانييا - 2 التىن, 1 كٷمٸس
6. نورۆەگييا - 2 التىن, 2 قولا
7. سلوۆەنييا - 2 التىن, 1 قولا
8. يتالييا - 1 التىن, 3 كٷمٸس, 1 قولا
9. كانادا - 1 التىن, 1 كٷمٸس, 4 قولا
10. جاپونييا - 1 التىن, 1 كٷمٸس, 2 قولا.
ايتا كەتەيٸك, دەل بٷگٸنگە دەيٸن جالپى 19 مەملەكەتتٸڭ سپورتشىلارى بەيجٸڭ وليمپياداسىنىڭ مەدالٸن جەڭٸپ الىپ, مەرەيٸ ٷستەپ بولدى.
ٶكٸنٸشكە قاراي قازاقستاندىق سپورتشىلاردان ەلٸ ەشكٸم جٷلدەلٸ ورىندارعا قول جەتكٸزە العان جوق.
