Búgin Beijińde ótip jatqan Olimpiadada oiyndary aiasynda Halyqaralyq Olimpiada komitetiniń basshysy Tomas Bah qazaqstandyq olimpiadashylarmen kezdesti, dep habarlaidy QazAqparat.
QR Ulttyq olimpiadalyq komiteti habarlaǵandai Tomas Bah búgin Chjantsziakoý taýly olimpiadalyq aýylyna kelip, sportshylarmen, onyń ishinde fristail-akrobatikadan Qazaqstan quramasynyń jetekshisi Janbota Aldabergenovamen kezdesip, aldaǵy jarystaryna sáttilik tiledi.
Aita keteiik, fristail-akrobatikadan 13 aqpanda áielder arasynda irikteý syndary bastalady. Al final 14 aqpanǵa josparlanǵan.
Atalǵan sport túrinen elimizdiń namysyn áielder arasynan Janbota Aldabergenova men Aqmarjan Qalmyrzaeva qorǵaidy.
Al erler arasyndaǵy irikteý syndary 15-aqpanda bastalyp, finaldyq básekeler 16 aqpanda ótedi. Fristail-akrobatikadan erler arasynda Qazaqstannan Sherzod Hashirbaev el namysyn qorǵaidy.
