بٷگٸن بەيجٸڭدە ٶتٸپ جاتقان وليمپيادادا ويىندارى اياسىندا حالىقارالىق وليمپيادا كوميتەتٸنٸڭ باسشىسى توماس باح قازاقستاندىق وليمپياداشىلارمەن كەزدەستٸ, دەپ حابارلايدى قازاقپارات.
قر ۇلتتىق وليمپيادالىق كوميتەتٸ حابارلاعانداي توماس باح بٷگٸن چجانتسزياكوۋ تاۋلى وليمپيادالىق اۋىلىنا كەلٸپ, سپورتشىلارمەن, ونىڭ ٸشٸندە فريستايل-اكروباتيكادان قازاقستان قۇراماسىنىڭ جەتەكشٸسٸ جانبوتا الدابەرگەنوۆامەن كەزدەسٸپ, الداعى جارىستارىنا سەتتٸلٸك تٸلەدٸ.
ايتا كەتەيٸك, فريستايل-اكروباتيكادان 13 اقپاندا ەيەلدەر اراسىندا ٸرٸكتەۋ سىندارى باستالادى. ال فينال 14 اقپانعا جوسپارلانعان.
اتالعان سپورت تٷرٸنەن ەلٸمٸزدٸڭ نامىسىن ەيەلدەر اراسىنان جانبوتا الدابەرگەنوۆا مەن اقمارجان قالمىرزاەۆا قورعايدى.
ال ەرلەر اراسىنداعى ٸرٸكتەۋ سىندارى 15-اقپاندا باستالىپ, فينالدىق بەسەكەلەر 16 اقپاندا ٶتەدٸ. فريستايل-اكروباتيكادان ەرلەر اراسىندا قازاقستاننان شەرزود حاشيرباەۆ ەل نامىسىن قورعايدى.
