Qazaqstandyq biatlonshy Galina Vishnevskaia-Sheporenko Beijiń Olimpiadasyndaǵy jekelei jarysty 44-shi orynmen aiaqtady, dep habarlaidy QazAqparat.
Ol atý kezinde bir ret qatelesip, qorytyndy esepte +5:19.6 (0+1, 0+0) nátijesimen 44-shi orynǵa turaqtady.
Sportshymyz osy nátijesiniń arqasynda iz kesý jarysyna joldama alǵan 60 sportshynyń qataryna endi.
Biatlonshylar básekesinde germaniialyq Denih Herrman 44:12.7 (0+0, 1+0) kórsetkishimen bas júldeni jeńip aldy. Ekinshi oryndy +9.4 (0+0, 0+1) nátijemen frantsiialyq Anais Shevale-Býshe qanjyǵasyna bailady. Al úzdik úshinshi orynǵa +15.3 (1+0, 0+1) qorytyndysymen norvegiialyq Marte Olsbiý-Roiselann ie boldy.
Jarysqa jalpy esebi 86 sportshy qatysty.
Aita ketelik, Olimpiada oiyndarynda 34 qazaqstandyq atlet sporttyń 8 túrinen el namysyn qorǵap jatyr.
