قازاقستاندىق بياتلونشى گالينا ۆيشنەۆسكايا-شەپورەنكو بەيجٸڭ وليمپياداسىنداعى جەكەلەي جارىستى 44-شٸ ورىنمەن اياقتادى, دەپ حابارلايدى قازاقپارات.
ول اتۋ كەزٸندە بٸر رەت قاتەلەسٸپ, قورىتىندى ەسەپتە +5:19.6 (0+1, 0+0) نەتيجەسٸمەن 44-شٸ ورىنعا تۇراقتادى.
سپورتشىمىز وسى نەتيجەسٸنٸڭ ارقاسىندا ٸز كەسۋ جارىسىنا جولداما العان 60 سپورتشىنىڭ قاتارىنا ەندٸ.
بياتلونشىلار بەسەكەسٸندە گەرمانييالىق دەنيح حەررمان 44:12.7 (0+0, 1+0) كٶرسەتكٸشٸمەن باس جٷلدەنٸ جەڭٸپ الدى. ەكٸنشٸ ورىندى +9.4 (0+0, 0+1) نەتيجەمەن فرانتسييالىق انايس شەۆالە-بۋشە قانجىعاسىنا بايلادى. ال ٷزدٸك ٷشٸنشٸ ورىنعا +15.3 (1+0, 0+1) قورىتىندىسىمەن نورۆەگييالىق مارتە ولسبيۋ-رويسەلانن يە بولدى.
جارىسقا جالپى ەسەبٸ 86 سپورتشى قاتىستى.
ايتا كەتەلٸك, وليمپيادا ويىندارىندا 34 قازاقستاندىق اتلەت سپورتتىڭ 8 تٷرٸنەن ەل نامىسىن قورعاپ جاتىر.
