Beijiń qalasynda ótip jatqan Qysqy Olimpiada oiyndarynda taǵy bir sporshydan doping belgisi anyqtaldy, dep habarlaidy QazAqparat.
Halyqaralyq testileý agenttiginiń (ITA) málimetterine súiensek, Beijiń Olimpiadasynda ýkrainalyq bobsleishi Lidiia Gýnkonyń test qoytyndysy oń nátije kórsetken.
Gýnkonyń doping testinen digidrotestosteron (testosteronnyń belsendirek túri) tabylǵan. Test 14 aqpanda alynǵan. Nátijesi 17 aqpanda belgili bolǵan. Osylaisha, sportshy jarystardan shetteldi.
Bul ýkrainalyq sportshylar arasynan doping belgileri tabylǵan ekinshi sportshy. Osyǵan deiin shańǵymen júgirýden ýkrainalyq Valentina Kaminskaia da Beijiń-2022 Qysqy oiyndarynan ýaqytsha shettetilgen bolatyn. Onda shańǵyshynyń aǵzasynan mesterolon men geptaminol tabylǵan.
Bul oraida aita keteiik, osyǵan deiin reseilik mánerlep syrǵanaýshy Kamila Valievanyń da basy daýǵa qalǵan bolatyn. Alaida oǵan jekelei synda óner kórsetýge jarysqa bir kún qalǵanda ruqsat berdi. Valieva komandalyq jarystan keiin doping daýyna ilikken edi.
