بەيجٸڭ قالاسىندا ٶتٸپ جاتقان قىسقى وليمپيادا ويىندارىندا تاعى بٸر سپورشىدان دوپينگ بەلگٸسٸ انىقتالدى, دەپ حابارلايدى قازاقپارات.
حالىقارالىق تەستٸلەۋ اگەنتتٸگٸنٸڭ (ITA) مەلٸمەتتەرٸنە سٷيەنسەك, بەيجٸڭ وليمپياداسىندا ۋكراينالىق بوبسلەيشٸ ليدييا گۋنكونىڭ تەست قوىتىندىسى وڭ نەتيجە كٶرسەتكەن.
گۋنكونىڭ دوپينگ تەستٸنەن ديگيدروتەستوستەرون (تەستوستەروننىڭ بەلسەندٸرەك تٷرٸ) تابىلعان. تەست 14 اقپاندا الىنعان. نەتيجەسٸ 17 اقپاندا بەلگٸلٸ بولعان. وسىلايشا, سپورتشى جارىستاردان شەتتەلدٸ.
بۇل ۋكراينالىق سپورتشىلار اراسىنان دوپينگ بەلگٸلەرٸ تابىلعان ەكٸنشٸ سپورتشى. وسىعان دەيٸن شاڭعىمەن جٷگٸرۋدەن ۋكراينالىق ۆالەنتينا كامينسكايا دا بەيجٸڭ-2022 قىسقى ويىندارىنان ۋاقىتشا شەتتەتٸلگەن بولاتىن. وندا شاڭعىشىنىڭ اعزاسىنان مەستەرولون مەن گەپتامينول تابىلعان.
بۇل ورايدا ايتا كەتەيٸك, وسىعان دەيٸن رەسەيلٸك مەنەرلەپ سىرعاناۋشى كاميلا ۆاليەۆانىڭ دا باسى داۋعا قالعان بولاتىن. الايدا وعان جەكەلەي سىندا ٶنەر كٶرسەتۋگە جارىسقا بٸر كٷن قالعاندا رۇقسات بەردٸ. ۆاليەۆا كوماندالىق جارىستان كەيٸن دوپينگ داۋىنا ٸلٸككەن ەدٸ.
