2022 jylǵy Qysqy Olimpiadaǵa AQSh-tan 223 sportshy keledi dep kútilýde. Bul jóninen atalǵan memleket kósh bastap tur, dep habarlaidy QazAqparat.
Odan keiingi orynda Resei men Kanada bar. Reseiden - 212, Kanadan - 211 sportshy jarys jolyna shyǵady.
Sondai-aq, Qytaidan 171 sportshy qatysady, odan keiingi oryndardaǵy Shveitsariiadan - 168, Germaniiadan - 148, Japoniiadan - 122, Shvetsiiadan -116, Chehiiadan - 114, Italiiadan - 112, Avstriiadan - 108, Finliandiiadan - 96, Frantsiiadan - 85, Norvegiiadan - 52, Ulybritaniiadan - 50, Ýkrainadan - 45, Avstraliiadan - 44, Qazaqstannan - 34, Ońtústik Koreiadan - 38, Belarýsten 28 sańlaq el namysyn qorǵaidy.
Jalpy, atalǵan dúbirli dodaǵa 90-nan astam elden sportshylar keledi dep kútilýde. Olardyń jalpy sany 4000-ǵa jýyq.
Qazaqstan Qysqy Olimpiadaǵa 1994 jyldan bastap táýelsiz memleket retinde qatysyp keledi. Sol jyly Lillehammerde (Norvegiia) 29 sportshymyz saiysqa tústi. Al 1998 jyly Naganoda (Japoniia) 60, 2002 jyly Solt-Leik-Sitide (AQSh) - 50, 2006 jyly Týrinde (Italiia) - 56, 2010 jyly Vankýverde (Kanada) - 39, 2014 jyly Sochide (Resei) - 52, 2018 Phionchhanda (Ońtústik Koreia) - 46 sportshy dúbirli dodaǵa qatysty.
Búgingi kúnge deiin qazaqstandyq sportshylar 1 altyn, 3 kúmis, 4 qola medal aldy.
