2022 جىلعى قىسقى وليمپياداعا اقش-تان 223 سپورتشى كەلەدٸ دەپ كٷتٸلۋدە. بۇل جٶنٸنەن اتالعان مەملەكەت كٶش باستاپ تۇر, دەپ حابارلايدى قازاقپارات.
ودان كەيٸنگٸ ورىندا رەسەي مەن كانادا بار. رەسەيدەن - 212, كانادان - 211 سپورتشى جارىس جولىنا شىعادى.
سونداي-اق, قىتايدان 171 سپورتشى قاتىسادى, ودان كەيٸنگٸ ورىندارداعى شۆەيتسارييادان - 168, گەرمانييادان - 148, جاپونييادان - 122, شۆەتسييادان -116, چەحييادان - 114, يتالييادان - 112, اۆسترييادان - 108, فينلياندييادان - 96, فرانتسييادان - 85, نورۆەگييادان - 52, ۇلىبريتانييادان - 50, ۋكراينادان - 45, اۆسترالييادان - 44, قازاقستاننان - 34, وڭتٷستٸك كورەيادان - 38, بەلارۋستەن 28 ساڭلاق ەل نامىسىن قورعايدى.
جالپى, اتالعان دٷبٸرلٸ دوداعا 90-نان استام ەلدەن سپورتشىلار كەلەدٸ دەپ كٷتٸلۋدە. ولاردىڭ جالپى سانى 4000-عا جۋىق.
قازاقستان قىسقى وليمپياداعا 1994 جىلدان باستاپ تەۋەلسٸز مەملەكەت رەتٸندە قاتىسىپ كەلەدٸ. سول جىلى ليللەحاممەردە (نورۆەگييا) 29 سپورتشىمىز سايىسقا تٷستٸ. ال 1998 جىلى ناگانودا (جاپونييا) 60, 2002 جىلى سولت-لەيك-سيتيدە (اقش) - 50, 2006 جىلى تۋريندە (يتالييا) - 56, 2010 جىلى ۆانكۋۆەردە (كانادا) - 39, 2014 جىلى سوچيدە (رەسەي) - 52, 2018 پحيونچحاندا (وڭتٷستٸك كورەيا) - 46 سپورتشى دٷبٸرلٸ دوداعا قاتىستى.
بٷگٸنگٸ كٷنگە دەيٸن قازاقستاندىق سپورتشىلار 1 التىن, 3 كٷمٸس, 4 قولا مەدال الدى.
