Beirýttaǵy jarylystan qaza tapqandar sany 137 adamǵa jetti. Bul týraly Livannyń Densaýldyq saqtaý ministrligi málim etti, dep habarlaidy "Ult aqparat" Al Jazeera telearnasyna silteme jasap.
Agenttiktiń habarlaýynsha, zardap shekkender sany 5 myńǵa jetken. Ondaǵan adam habar-osharsyz ketken.
Buǵan deiin 135 adamnyń qaitys bolǵany týraly habarlanǵan bolatyn.
Eske sala keteiik, Beirýt teńiz portynyń qoimasynda seisenbi kúni joiqyn jarylys bolǵan edi.
Livan IIM málimeti boiynsha budan alty jyl buryn keden qyzmetteri tárkilegen qoimada saqtalǵan 2,7 myń tonnadan astam ammiak selitrasynyń dánekerleý jumystary barysynda janýy sebep bolǵan.
Jarylys tolqyny ondaǵan úilerdi, avtokólikterdi qiratyp, joiǵan. El astanasynyń kóptegen aýdandarynda úilerdiń áinekteri synǵan. 300 myńnan astam adam baspanasyz qaldy.
