بەيرۋتتاعى جارىلىستان قازا تاپقاندار سانى 137 ادامعا جەتتٸ. بۇل تۋرالى ليۆاننىڭ دەنساۋلدىق ساقتاۋ مينيسترلٸگٸ مەلٸم ەتتٸ, دەپ حابارلايدى "ۇلت اقپارات" Al Jazeera تەلەارناسىنا سٸلتەمە جاساپ.
اگەنتتٸكتٸڭ حابارلاۋىنشا, زارداپ شەككەندەر سانى 5 مىڭعا جەتكەن. ونداعان ادام حابار-وشارسىز كەتكەن.
بۇعان دەيٸن 135 ادامنىڭ قايتىس بولعانى تۋرالى حابارلانعان بولاتىن.
ەسكە سالا كەتەيٸك, بەيرۋت تەڭٸز پورتىنىڭ قويماسىندا سەيسەنبٸ كٷنٸ جويقىن جارىلىس بولعان ەدٸ.
ليۆان ٸٸم مەلٸمەتٸ بويىنشا بۇدان التى جىل بۇرىن كەدەن قىزمەتتەرٸ تەركٸلەگەن قويمادا ساقتالعان 2,7 مىڭ توننادان استام اممياك سەليتراسىنىڭ دەنەكەرلەۋ جۇمىستارى بارىسىندا جانۋى سەبەپ بولعان.
جارىلىس تولقىنى ونداعان ٷيلەردٸ, اۆتوكٶلٸكتەردٸ قيراتىپ, جويعان. ەل استاناسىنىڭ كٶپتەگەن اۋداندارىندا ٷيلەردٸڭ ەينەكتەرٸ سىنعان. 300 مىڭنان استام ادام باسپاناسىز قالدى.
