Livan qutqarýshylary seisenbi kúni Beirýt portynda oryn alǵan jarylystan keiin qiraǵan ǵimarat qirandylary astynda tiri qalǵan adamdardy izdestirip jatyr. Qaiǵyly oqiǵa saldarynan qaza tapqandar sany qazir 113 adamǵa jetti, dep habarlaidy "Ult aqparat" Reuters agenttigine silteme jasap.
Jarylystan myńnan astam adam jaraqat alyp, ondaǵan myń adam baspanasyz qaldy. Jerorta teńizindegi Beirýt portynan shamamen 160 shaqyrym shalǵaidaǵy Kipr aralyndaǵy ǵimarattardyń da teńselip ketkeni habarlandy.
Sheneýnikterdiń aitýyna qaraǵanda, jarylys Beirýt portyndaǵy jarylǵysh materialdardyń óte úlken kólemi qaýipsiz jaǵdaida saqtalǵan qoimada bolǵan.
Qaiǵyly oqiǵa osydan 30 jyl buryn aiaqtalǵan azamattyq soǵystan keiin áli kúnge qaita qalpyna kelýdi bastan keshirip jatqan Beirýttyń búkil tarihyndaǵy eń qýatty jarylys sanalady. Buǵan qosa, sońǵy ailarda Livanda ekonomikalyq daǵdarys ýshyǵyp, Covid-19 indetine bailanysty odan ary tereńdei túsken edi.
Livan Prezidenti Mishel Aýn halyqqa joldaǵan úndeýinde el Úkimettiń «oqiǵany jiti tergeýge múddeli ekendigin jáne kináliler jaýapqa tartylatyndyǵyn» aitty.
Reuters agenttigi derekkózine súiene otyryp habarlaýynsha, 2014 jyldan beri materialdardy saqtaý jáne qorǵaýmen ainalysatyn port qyzmetkerlerin úi tutqyna alý týraly buiryq berilgen.
Eske sala keteiik, 4 tamyzda Livannyń áskeri-teńiz kúshteri (ÁTK) bazasyna jaqyn Beirýt porty aýmaǵynda joiqyn jarylys boldy.
Jarylys saldarynan Qazaqstannyń SIM Livandaǵy Qazaqstannyń diplomatiialyq missiiasy ǵimaratyna zaqym kelgen. Jarylys kezinde diplomatiialyq missiianyń qyzmetkerleri jumys kúni aiaqtalǵannan keiin keńseden ketip qalǵan. Konsýl jumysta bolǵandyqtan jarylys tolqyny kezinde jeńil jaraqat aldy.
QR Prezidenti Qasym-Jomart Toqaev Livan Prezidenti Mishel Aýnmen telefon arqyly sóilesýi barysynda Livandaǵy qazaqstandyqtardyń qaýipsizdigin qamtamasyz etý jóninde ótinish bildirgen edi.
