ليۆان قۇتقارۋشىلارى سەيسەنبٸ كٷنٸ بەيرۋت پورتىندا ورىن العان جارىلىستان كەيٸن قيراعان عيمارات قيراندىلارى استىندا تٸرٸ قالعان ادامداردى ٸزدەستٸرٸپ جاتىر. قايعىلى وقيعا سالدارىنان قازا تاپقاندار سانى قازٸر 113 ادامعا جەتتٸ, دەپ حابارلايدى "ۇلت اقپارات" Reuters اگەنتتٸگٸنە سٸلتەمە جاساپ.
جارىلىستان مىڭنان استام ادام جاراقات الىپ, ونداعان مىڭ ادام باسپاناسىز قالدى. جەرورتا تەڭٸزٸندەگٸ بەيرۋت پورتىنان شامامەن 160 شاقىرىم شالعايداعى كيپر ارالىنداعى عيماراتتاردىڭ دا تەڭسەلٸپ كەتكەنٸ حابارلاندى.
شەنەۋنٸكتەردٸڭ ايتۋىنا قاراعاندا, جارىلىس بەيرۋت پورتىنداعى جارىلعىش ماتەريالداردىڭ ٶتە ٷلكەن كٶلەمٸ قاۋٸپسٸز جاعدايدا ساقتالعان قويمادا بولعان.
قايعىلى وقيعا وسىدان 30 جىل بۇرىن اياقتالعان ازاماتتىق سوعىستان كەيٸن ەلٸ كٷنگە قايتا قالپىنا كەلۋدٸ باستان كەشٸرٸپ جاتقان بەيرۋتتىڭ بٷكٸل تاريحىنداعى ەڭ قۋاتتى جارىلىس سانالادى. بۇعان قوسا, سوڭعى ايلاردا ليۆاندا ەكونوميكالىق داعدارىس ۋشىعىپ, Covid-19 ٸندەتٸنە بايلانىستى ودان ارى تەرەڭدەي تٷسكەن ەدٸ.
ليۆان پرەزيدەنتٸ ميشەل اۋن حالىققا جولداعان ٷندەۋٸندە ەل ٷكٸمەتتٸڭ «وقيعانى جٸتٸ تەرگەۋگە مٷددەلٸ ەكەندٸگٸن جەنە كٸنەلٸلەر جاۋاپقا تارتىلاتىندىعىن» ايتتى.
Reuters اگەنتتٸگٸ دەرەككٶزٸنە سٷيەنە وتىرىپ حابارلاۋىنشا, 2014 جىلدان بەرٸ ماتەريالداردى ساقتاۋ جەنە قورعاۋمەن اينالىساتىن پورت قىزمەتكەرلەرٸن ٷي تۇتقىنا الۋ تۋرالى بۇيرىق بەرٸلگەن.
ەسكە سالا كەتەيٸك, 4 تامىزدا ليۆاننىڭ ەسكەري-تەڭٸز كٷشتەرٸ (ەتك) بازاسىنا جاقىن بەيرۋت پورتى اۋماعىندا جويقىن جارىلىس بولدى.
جارىلىس سالدارىنان قازاقستاننىڭ سٸم ليۆانداعى قازاقستاننىڭ ديپلوماتييالىق ميسسيياسى عيماراتىنا زاقىم كەلگەن. جارىلىس كەزٸندە ديپلوماتييالىق ميسسييانىڭ قىزمەتكەرلەرٸ جۇمىس كٷنٸ اياقتالعاننان كەيٸن كەڭسەدەن كەتٸپ قالعان. كونسۋل جۇمىستا بولعاندىقتان جارىلىس تولقىنى كەزٸندە جەڭٸل جاراقات الدى.
قر پرەزيدەنتٸ قاسىم-جومارت توقاەۆ ليۆان پرەزيدەنتٸ ميشەل اۋنمەن تەلەفون ارقىلى سٶيلەسۋٸ بارىسىندا ليۆانداعى قازاقستاندىقتاردىڭ قاۋٸپسٸزدٸگٸن قامتاماسىز ەتۋ جٶنٸندە ٶتٸنٸش بٸلدٸرگەن ەدٸ.
