Beirezidentterdiń Qazaqstannyń memlekettik baǵaly qaǵazdaryna jáne Ulttyq banktiń notalaryna salǵan investitsiiasynyń kólemi 596 mlrd teńgeni qurady. Bul týraly Úkimettiń keńeitilgen otyrysynda Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Ulttyq bank pen Qarjy ministrliginiń birlesken jumysy nátijesinde memlekettik baǵaly qaǵazdar aýktsiondaryndaǵy naryqtyq investorlardyń úlesi 2020 jylǵy 32,7 paiyzǵa qaraǵanda 2021 jyly 69,2 paiyzǵa deiin ósti. Talap etiletin óteý merzimi 1 jyldan 5 jylǵa deiingi memlekettik baǵaly qaǵazdardy ornalastyrý úlesi 53 paiyz boldy», - dedi UB tóraǵasy.
Onyń atap ótýinshe, 2021 jyly beirezidentterdiń Qazaqstannyń memlekettik baǵaly qaǵazdaryna jáne Ulttyq banktiń notalaryna salǵan investitsiiasynyń kólemi 596 mlrd teńge boldy.
«2022 jyly kiristiliktiń tartymdy deńgeileri jáne memlekettik baǵaly qaǵazdaryn halyqaralyq indeksterge engizý aiasynda sheteldik investorlar tarapynan suranys memlekettik baǵaly qaǵazdary naryǵyndaǵy ótimdilikti odan ári arttyrýǵa yqpal etetin bolady», - dedi Ǵalymjan Pirmatov.
