Aqparat jáne qoǵamdyq damý vitse-ministri Daniiar Esin Memleket basshysy qol qoiǵan beibit jinalystar jańa zańnyń negizgi alty qaǵidatyn atady, dep habarlaidy QazAqparat.
Vitse-ministrdiń aitýynsha beibit jinalystar jańa zańnyń negizgi alty qaǵidaty engizilgen. Olar:
- zorlyq-zombylyqsyz sipat;
- zańdylyq;
- memlekettik qaýipsizdik men qoǵamdyq tártipti saqtaý, basqa adamdardyń densaýlyǵyn, quqyǵy pen erkindigin qorǵaý;
- qatysý erkindigi;
- jinalysty ótkizý paidasyna qarai prezýmptsiia;
- taraptardyń jaýapkershiligi.
«Jaýapkershilik qaǵidaty beibit jinalystardyń sýbektileriniń báriniń áreketiniń zańdylyǵyn qamtamasyz etý úshin engizildi. Bul qaǵidattar beibit jinalystardyń uiymdastyrýshylary men qatysýshylaryna ǵana emes, jergilikti atqarýshy organdar men quqyq qorǵaý organdaryna da qatysty», - dedi Daniiar Esin OKQ-da ótken baspasóz máslihatynda.
Ol sonymen qatar zańda engizilgen uǵymdyq apparat týraly da sóz qozǵady.
«Burynǵy zańmananyń kemshilikteriniń biri – beibit jinalystar formasynyń naqty reglamentiniń bolmaýy edi. Zańǵa uǵymdyq apparattardy engizý – beibit jinalystar, mitingiler, demonstratsiialar, sherýler men piket sekildi negizgi túsinikterdi qurylymdap, olardyń ara-jigin ajyratýǵa múmkindik berdi», - dedi Daniiar Esin.
