اقپارات جەنە قوعامدىق دامۋ ۆيتسە-مينيسترٸ دانييار ەسين مەملەكەت باسشىسى قول قويعان بەيبٸت جينالىستار جاڭا زاڭنىڭ نەگٸزگٸ التى قاعيداتىن اتادى, دەپ حابارلايدى قازاقپارات.
ۆيتسە-مينيستردٸڭ ايتۋىنشا بەيبٸت جينالىستار جاڭا زاڭنىڭ نەگٸزگٸ التى قاعيداتى ەنگٸزٸلگەن. ولار:
- زورلىق-زومبىلىقسىز سيپات;
- زاڭدىلىق;
- مەملەكەتتٸك قاۋٸپسٸزدٸك مەن قوعامدىق تەرتٸپتٸ ساقتاۋ, باسقا ادامداردىڭ دەنساۋلىعىن, قۇقىعى پەن ەركٸندٸگٸن قورعاۋ;
- قاتىسۋ ەركٸندٸگٸ;
- جينالىستى ٶتكٸزۋ پايداسىنا قاراي پرەزۋمپتسييا;
- تاراپتاردىڭ جاۋاپكەرشٸلٸگٸ.
«جاۋاپكەرشٸلٸك قاعيداتى بەيبٸت جينالىستاردىڭ سۋبەكتٸلەرٸنٸڭ بەرٸنٸڭ ەرەكەتٸنٸڭ زاڭدىلىعىن قامتاماسىز ەتۋ ٷشٸن ەنگٸزٸلدٸ. بۇل قاعيداتتار بەيبٸت جينالىستاردىڭ ۇيىمداستىرۋشىلارى مەن قاتىسۋشىلارىنا عانا ەمەس, جەرگٸلٸكتٸ اتقارۋشى ورگاندار مەن قۇقىق قورعاۋ ورگاندارىنا دا قاتىستى», - دەدٸ دانييار ەسين وكق-دا ٶتكەن باسپاسٶز مەسليحاتىندا.
ول سونىمەن قاتار زاڭدا ەنگٸزٸلگەن ۇعىمدىق اپپارات تۋرالى دا سٶز قوزعادى.
«بۇرىنعى زاڭمانانىڭ كەمشٸلٸكتەرٸنٸڭ بٸرٸ – بەيبٸت جينالىستار فورماسىنىڭ ناقتى رەگلامەنتٸنٸڭ بولماۋى ەدٸ. زاڭعا ۇعىمدىق اپپاراتتاردى ەنگٸزۋ – بەيبٸت جينالىستار, ميتينگٸلەر, دەمونستراتسييالار, شەرۋلەر مەن پيكەت سەكٸلدٸ نەگٸزگٸ تٷسٸنٸكتەردٸ قۇرىلىمداپ, ولاردىڭ ارا-جٸگٸن اجىراتۋعا مٷمكٸندٸك بەردٸ», - دەدٸ دانييار ەسين.
