«5-10-20» jobasyn jalǵastyrýǵa jyl saiyn420 mlrd teńge qajet. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Jalǵa beriletin turǵyn úi qurylysyna jeke investitsiialardy tarta otyryp, turǵyn úi qurylysynyń jańa tetigi ázirlenedi. Sonymen qatar, kredittik turǵyn úi qurylysy kólemin ulǵaitý jáne «5-10-20» jobasyn jalǵastyrý usynylady», - dedi ministr.
Onyń atap ótýinshe, ol úshin jyl saiyn 420 mlrd teńge qajet. Iaǵni bul maqsatqa 7 jyl ishinde 2,9 trln teńge qajet bolady.
«Bul jyl saiyn tirkelgen baǵamen 35 myń páter salýǵa múmkindik beredi. Osy tetik arqyly kezekte turǵan 353 myń adam qoldaýǵa ie bolady», - dedi Beibit Atamqulov.
