Beibit Atamqulov jańa qyzmetke keldi, - dep habarlaidy "Ult aqparat" Aqordanyń baspasóz qyzmetine silteme jasap.
"Beibit Atamqulov Qazaqstan Respýblikasynyń Ózbekstan Respýblikasyndaǵy tótenshe jáne ókiletti elshisi laýazymyna taǵaiyndaldy", - delingen habarlamada.
Sondai-aq, Qazaqstan Respýblikasynyń Horvatiia Respýblikasyndaǵy tótenshe jáne ókiletti elshisi Altai Ábibýllaev Qazaqstan Respýblikasynyń Bosniia jáne Gertsegovinadaǵy, Chernogoriiadaǵy tótenshe jáne ókiletti elshisi qyzmetin qosa atqarýshy bolyp taǵaiyndaldy.
Aita keteiik, Beibit Bákiruly 1964 jyly 19 mamyrda Almaty oblysynda týǵan.
Injener-metallýrg mamandyǵy boiynsha Qazaq politehnikalyq institýtyn, sondai-aq, ekonomist mamandyǵy boiynsha Sankt-Peterbýrg memlekettik ekonomika jáne qarjy ýniversitetin támamdaǵan. Ekonomika ǵylymdarynyń kandidaty. 1 klasty keńesshi diplomatiialyq dárejesi bar. Eńbek qyzmetin 1985 jyly Norilsk taý-ken metallýrgiia kombinatynyń mys baiytý zaýytynda bastaǵan.
1986 jyldan bastap M.I.Kalinin atyndaǵy Shymkent qorǵasyn zaýytynda jumys istedi, onda balqytýshy, aýysym sheberi, brigadirden bastap jetekshi injenerge deiingi joldan ótti. 1991 jyldan - QR Syrtqy ekonomikalyq bailanystar ministrligi «Qazmetalleksport» Qazaqstandyq respýblikalyq syrtqy ekonomikalyq bailanystar kásipornynyń «Chermeteksport» kompaniiasynyń bas mamany, direktory.
1993 jyldan QR Syrtqy ekonomikalyq bailanystar ministrligi «Qazaqstan saýda» MSK bas direktorynyń birinshi orynbasary. 1995 jyldan «Qarmetkombinat» MAQ (Temirtaý) bas direktorynyń birinshi orynbasary.
1996 jyldan «Rahat-metalls» kompaniiasynyń bas direktory, «AIG» qazaqstandyq saqtandyrý kompaniiasy direktorlar keńesi tóraǵasynyń orynbasary. 2002 jyldan «Rahat» MK Direktorlar keńesiniń tóraǵasy. 2006 jyly Qazaqstan Respýblikasynyń Resei Federatsiiasyndaǵy Elshiliginiń keńesshisi.
2006 jyldan - Qazaqstan Respýblikasynyń Resei Federatsiiasyndaǵy Elshiliginiń keńesshi-elshisi. 2007 jyldan Qazaqstan Respýblikasynyń Iran Islam Respýblikasyndaǵy Elshiliginiń keńesshi-elshisi. 2008 jyldan Qazaqstan Respýblikasynyń Maindaǵy Frankfýrt qalasyndaǵy (Germaniia) bas konsýly.
2010 jyldan Qazaqstan Respýblikasynyń Malaiziia Respýblikasyndaǵy Tótenshe jáne Ókiletti Elshisi. 2012 jyldan Qazaqstan Respýblikasy Indýstriia jáne jańa tehnologiialar ministrliginiń jaýapty hatshysy.
2014-2015 jyldary - QR Investitsiialar jáne damý ministrliginiń jaýapty hatshysy. 2015-2016 jyldary Ońtústik Qazaqstan oblysynyń ákimi, 2016-2018 jyldary Qazaqstan Respýblikasy qorǵanys jáne aeroǵarysh ónerkásibi ministri.
2018-2019 jyldary – Qazaqstan Respýblikasynyń Syrtqy ister ministri. 2019-2022 jyldary Qazaqstan Respýblikasynyń Indýstriia jáne infraqurylymdyq damý ministri.
«Qurmet» ordenimen, «Astananyń 10 jyldyǵy», «Qazaqstan Respýblikasynyń Táýelsizdigine 20 jyl» mereitoilyq medaldarymen marapattalǵan.
Sondai-aq osy jarlyqpen Qazaqstan Respýblikasynyń Horvatiia Respýblikasyndaǵy Tótenshe jáne Ókiletti Elshisi Altai Ibragimuly Ábibýllaev Qazaqstan Respýblikasynyń Bosniia jáne Gertsegovinadaǵy, Chernogoriiadaǵy Tótenshe jáne Ókiletti Elshisi qyzmetin qosa atqarýshy bolyp taǵaiyndaldy.
