Foto: beineden skrinshot
Qazaqstan boiynsha betperde kigen adam retinde tanylyp, júzin jasyrǵan adam biylǵy kóktemde úlken sýdan zardap shekkenderge million dollar bóletinin málimdedi, - dep habarlaidy «Ult aqparat» inbusiness.kz-ke silteme jasap.
"Biz iri kóktemgi sý tasqynyna tap boldyq. Qazaqstannyń 10 oblysynda tótenshe jaǵdai jariialandy. Qazirgi ýaqytta 108 myń adam qaýipsiz jerge kóshirildi. Bes myńnan astam úi sý astynda qaldy. Segiz myńnan astam mal qyryldy", - deidi qaiyrymdylyq qorynyń negizin qalaýshy jas jigit.
Ol qaiyrymdylyqqa at salysqan barsha halyqqa alǵys aityp, zardap shekken otbasylarǵa barlyǵy bir million dollar (450 million teńge) bólingenin aitty.
"Biz kómekke kelgen eriktilerge, qutqarýshylarǵa, alańdaýshylyq bildirgen azamattarǵa jáne basqa elderdiń azamattaryna úlken alǵysymyzdy bildiremiz. Biz birge bul apatty eńserip, budan da myqty bolamyz", – dedi belgisiz betperde kigen adam.
Sonymen qatar ol bul qarajatty bólý kezeń-kezeńimen júzege asyrylatynyn da atap ótti. "Sý tasqyny" degen bólimde nátijeler jariialanyp otyrady dedi.
