kollaj: Tengrinews.kz
Qazaqstandyq UFC faiteri Shavkat Rahmonov jartylai orta salmaqtaǵy Hamzat Chimaevtyń balaǵat sózderine jaýap berdi. Reseilik jýrnalist Igor Lazoringe bergen suhbatynda "Nomad" Chimaev óz sózi úshin jaýap berýge májbúr bolatynyn aitty, - dep habarlaidy Tengrinews.kz tilshisi Vesti.kz saityna silteme jasap.
Buǵan deiin Hamzat áleýmettik jelidegi jazbalardyń birine Shavkatty balaǵattap pikir qaldyrǵan. Alaida ol birden óz jazbasyn óshirip tastaǵan.
Shavkat Rahmonov osy jaǵdaiǵa qatysty óz pikirin aitty.
"Kórgen kezde betime aitsyn. Kezdesken kezde sóilesemiz. Nege jazǵanyn túsindirsin. Oǵan jaman qaramaimyn, biz jai ǵana qarsylaspyz. Men ony, onyń otbasyn nemese halyqty qorlamaimyn. Ýaqyt kórsetedi, judyryqtasamyz, sodan keiin kim myqty ekeni belgili bolady", - dedi qazaqstandyq faiter suhbatta.
Sondai-aq, ol jalpy sabyrly adam ekenin, biraq ashýlansa óz agressiiasyn segizburyshta kórsetetinin aitty. Onyń aitýynsha, Chimaevpen kezdesse, sózine jaýap berýdi suraidy.
