كوللاج: Tengrinews.kz
قازاقستاندىق UFC فايتەرٸ شاۆكات راحمونوۆ جارتىلاي ورتا سالماقتاعى حامزات چيماەۆتىڭ بالاعات سٶزدەرٸنە جاۋاپ بەردٸ. رەسەيلٸك جۋرناليست يگور لازورينگە بەرگەن سۇحباتىندا "نوماد" چيماەۆ ٶز سٶزٸ ٷشٸن جاۋاپ بەرۋگە مەجبٷر بولاتىنىن ايتتى, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
بۇعان دەيٸن حامزات ەلەۋمەتتٸك جەلٸدەگٸ جازبالاردىڭ بٸرٸنە شاۆكاتتى بالاعاتتاپ پٸكٸر قالدىرعان. الايدا ول بٸردەن ٶز جازباسىن ٶشٸرٸپ تاستاعان.
شاۆكات راحمونوۆ وسى جاعدايعا قاتىستى ٶز پٸكٸرٸن ايتتى.
"كٶرگەن كەزدە بەتٸمە ايتسىن. كەزدەسكەن كەزدە سٶيلەسەمٸز. نەگە جازعانىن تٷسٸندٸرسٸن. وعان جامان قارامايمىن, بٸز جاي عانا قارسىلاسپىز. مەن ونى, ونىڭ وتباسىن نەمەسە حالىقتى قورلامايمىن. ۋاقىت كٶرسەتەدٸ, جۇدىرىقتاسامىز, سودان كەيٸن كٸم مىقتى ەكەنٸ بەلگٸلٸ بولادى", - دەدٸ قازاقستاندىق فايتەر سۇحباتتا.
سونداي-اق, ول جالپى سابىرلى ادام ەكەنٸن, بٸراق اشۋلانسا ٶز اگرەسسيياسىن سەگٸزبۇرىشتا كٶرسەتەتٸنٸن ايتتى. ونىڭ ايتۋىنشا, چيماەۆپەن كەزدەسسە, سٶزٸنە جاۋاپ بەرۋدٸ سۇرايدى.
