Foto: ashyq derekkóz
Abai oblysy Besterek aýylynda balalardyń ólimimen aiaqtalǵan jol-kólik oqiǵasyna qatysty sot úkimi shyqty, dep habarlaidy Ult.kz Aikyn.kz portalyna silteme jasap.
Eske salaiyq, biyl tamyz aiynda júrgizýshi úiiniń aýlasynda oinap júrgen bir top balany qaqqan. Saldarynan 2 jastan 7 jasqa deiingi tórt bala qaza taýyp, taǵy eki bala jaraqat aldy.
Tergeý barysynda 55 jastaǵy júrgizýshiniń epilepsiia diagnozymen meditsinalyq esepte turǵany jáne onyń kólik júrgizýge zań júzinde quqyǵy bolmaǵany anyqtaldy. Soǵan qaramastan ol 2020 jyly meditsinalyq komissiiadan ótip, júrgizýshi kýáligin qaita alǵan. Al týystary buǵan deiin onyń densaýlyǵynda tek jeńil qurysýlar ǵana bolǵanyn aityp, aýyr ustamalar bolmaǵanyn alǵa tartqan.
Qaiǵyly oqiǵadan keiin zardap shekken balalarǵa shuǵyl meditsinalyq kómek kórsetý úshin óńirge dárigerler jiberildi. Sondai-aq jergilikti bilik qaza tapqan balalardyń otbasylaryna materialdyq jáne áleýmettik qoldaý kórsetiletinin málimdedi.
Júrgizýshi óz kinásin moiyndady. Úkimge sáikes, ol jalpy rejimdegi koloniiada 9 jylǵa bas bostandyǵynan, 7 jyl merzimge kólik basqarý quqyǵynan aiyryldy.
