Foto: ashyq derekkóz
Kókshetaý qalalyq sotynda Soltústik Qazaqstan oblysynyń eks-ákimi, burynǵy senat depýtaty Samat Eskendirovqa qatysty úkim shyǵaryldy, dep habarlaidy Ult.kz.
Ol jer úleskerleriniń jerlerin satý isi boiynsha aiypty dep tanyldy.
Eskendirov seriktesimen birge nesie alý maqsatynda jinalys hattamalaryn jalǵan jasap, JShS qatysýshylarynyń kelisiminsiz Býrabai aýdany turǵyndarynyń jerlerin kepilge qoiǵan.
Nátijesinde, olar aýyl turǵyndarynyń shartty jer úlesterin zańsyz iemdenip, zardap shekkenderge asa iri mólsherde materialdyq shyǵyn keltirgen.
2023 jyly úshinshi tulǵalarǵa quqyqtardy berý týraly sheshim men kelisim zańsyz dep tanyldy. Jerler bastapqy ielerine qaitarylyp, sol arqyly materialdyq shyǵyndy óteýge negiz qalmady.
Sot burynǵy senatorǵa bes jylǵa shartty túrde bas bostandyǵynan aiyrý jazasyn taǵaiyndady.
Samat Eskendirov Soltústik Qazaqstan oblysynyń birneshe aýdanyn ákim retinde basqarǵan. 2011 jyly senat depýtaty bolyp sailanyp, 2013 jyly Soltústik Qazaqstan oblysynyń ákimi boldy.
Alaida, 2014 jyly ony qyzmettik etika erejelerin saqtamaý siiaqty birqatar mańyzdy qatelikterge bailanysty atqaryp otyrǵan qyzmetinen bosatty.
