فوتو: اشىق دەرەككٶز
كٶكشەتاۋ قالالىق سوتىندا سولتٷستٸك قازاقستان وبلىسىنىڭ ەكس-ەكٸمٸ, بۇرىنعى سەنات دەپۋتاتى سامات ەسكەنديروۆقا قاتىستى ٷكٸم شىعارىلدى, دەپ حابارلايدى Ult.kz.
ول جەر ٷلەسكەرلەرٸنٸڭ جەرلەرٸن ساتۋ ٸسٸ بويىنشا ايىپتى دەپ تانىلدى.
ەسكەنديروۆ سەرٸكتەسٸمەن بٸرگە نەسيە الۋ ماقساتىندا جينالىس حاتتامالارىن جالعان جاساپ, جشس قاتىسۋشىلارىنىڭ كەلٸسٸمٸنسٸز بۋراباي اۋدانى تۇرعىندارىنىڭ جەرلەرٸن كەپٸلگە قويعان.
نەتيجەسٸندە, ولار اۋىل تۇرعىندارىنىڭ شارتتى جەر ٷلەستەرٸن زاڭسىز يەمدەنٸپ, زارداپ شەككەندەرگە اسا ٸرٸ مٶلشەردە ماتەريالدىق شىعىن كەلتٸرگەن.
2023 جىلى ٷشٸنشٸ تۇلعالارعا قۇقىقتاردى بەرۋ تۋرالى شەشٸم مەن كەلٸسٸم زاڭسىز دەپ تانىلدى. جەرلەر باستاپقى يەلەرٸنە قايتارىلىپ, سول ارقىلى ماتەريالدىق شىعىندى ٶتەۋگە نەگٸز قالمادى.
سوت بۇرىنعى سەناتورعا بەس جىلعا شارتتى تٷردە باس بوستاندىعىنان ايىرۋ جازاسىن تاعايىندادى.
سامات ەسكەنديروۆ سولتٷستٸك قازاقستان وبلىسىنىڭ بٸرنەشە اۋدانىن ەكٸم رەتٸندە باسقارعان. 2011 جىلى سەنات دەپۋتاتى بولىپ سايلانىپ, 2013 جىلى سولتٷستٸك قازاقستان وبلىسىنىڭ ەكٸمٸ بولدى.
الايدا, 2014 جىلى ونى قىزمەتتٸك ەتيكا ەرەجەلەرٸن ساقتاماۋ سيياقتى بٸرقاتار ماڭىزدى قاتەلٸكتەرگە بايلانىستى اتقارىپ وتىرعان قىزمەتٸنەن بوساتتى.
