Qashyqtan oqytý kezinde balalardy kompiýtermen qamtamasyz etý úshin bólingen qarajatty jymqyrý faktilerine qatysty qylmystyq ister tergelip jatyr. Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov Antikor ortalyǵynda ótken brifingide aitty.
«Jyl basynan beri Sybailas jemqorlyqqa qarsy qyzmet 650-ge jýyq sotqa deiingi tergeýdi tirkedi. 60 laýazym iesi ustalyp, 57 adamǵa qatysty qamaýda ustaý bultartpaý sharasy qabyldandy», - dedi Bekaidarov onlain brifingide.
Sonymen qatar ol QR Úkimeti rezervi esebinen aǵymdaǵy is-sharalardy júrgizý baǵdarlamasy boiynsha kompiýter, planshet pen noýtbýk satyp alýǵa 2020 jyly bólingen biýdjet qarjysyn jymqyrý faktileri boiynsha qylmystyq ister tergelip jatqanyn aitty. Osy oraida bilim berý basqarmasynyń laýazym ielerine qatysty elimizdiń bes óńirinde 6 qylmystyq is tergelip jatyr.
«Qarajat qashyqtan oqytý kezinde tabysy az otbasylardyń balalaryn kompiýtermen qamtamasyz etý úshin bólingen bolatyn. Atalǵan sotqa deiingi tergeý memlekettik ishki aýdit aktileri negizinde tirkeldi. Sotqa deiingi tergeý amaldary jalǵasyp jatyr», - dedi Daniiar Bekaidarov.
Budan buryn habarlanǵandai, Soltústik Qazaqstan oblysynda bilim berý bóliminiń qyzmetshileri tabysy tómen otbasylardyń balalaryna arnalǵan noýtbýkterdi jymqyrdy degen kúdikke ilikti.
