قاشىقتان وقىتۋ كەزٸندە بالالاردى كومپيۋتەرمەن قامتاماسىز ەتۋ ٷشٸن بٶلٸنگەن قاراجاتتى جىمقىرۋ فاكتٸلەرٸنە قاتىستى قىلمىستىق ٸستەر تەرگەلٸپ جاتىر. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ Antikor ورتالىعىندا ٶتكەن بريفينگٸدە ايتتى.
«جىل باسىنان بەرٸ سىبايلاس جەمقورلىققا قارسى قىزمەت 650-گە جۋىق سوتقا دەيٸنگٸ تەرگەۋدٸ تٸركەدٸ. 60 لاۋازىم يەسٸ ۇستالىپ, 57 ادامعا قاتىستى قاماۋدا ۇستاۋ بۇلتارتپاۋ شاراسى قابىلداندى», - دەدٸ بەكايداروۆ ونلاين بريفينگٸدە.
سونىمەن قاتار ول قر ٷكٸمەتٸ رەزەرۆٸ ەسەبٸنەن اعىمداعى ٸس-شارالاردى جٷرگٸزۋ باعدارلاماسى بويىنشا كومپيۋتەر, پلانشەت پەن نوۋتبۋك ساتىپ الۋعا 2020 جىلى بٶلٸنگەن بيۋدجەت قارجىسىن جىمقىرۋ فاكتٸلەرٸ بويىنشا قىلمىستىق ٸستەر تەرگەلٸپ جاتقانىن ايتتى. وسى ورايدا بٸلٸم بەرۋ باسقارماسىنىڭ لاۋازىم يەلەرٸنە قاتىستى ەلٸمٸزدٸڭ بەس ٶڭٸرٸندە 6 قىلمىستىق ٸس تەرگەلٸپ جاتىر.
«قاراجات قاشىقتان وقىتۋ كەزٸندە تابىسى از وتباسىلاردىڭ بالالارىن كومپيۋتەرمەن قامتاماسىز ەتۋ ٷشٸن بٶلٸنگەن بولاتىن. اتالعان سوتقا دەيٸنگٸ تەرگەۋ مەملەكەتتٸك ٸشكٸ اۋديت اكتٸلەرٸ نەگٸزٸندە تٸركەلدٸ. سوتقا دەيٸنگٸ تەرگەۋ امالدارى جالعاسىپ جاتىر», - دەدٸ دانييار بەكايداروۆ.
بۇدان بۇرىن حابارلانعانداي, سولتٷستٸك قازاقستان وبلىسىندا بٸلٸم بەرۋ بٶلٸمٸنٸڭ قىزمەتشٸلەرٸ تابىسى تٶمەن وتباسىلاردىڭ بالالارىنا ارنالعان نوۋتبۋكتەردٸ جىمقىردى دەگەن كٷدٸككە ٸلٸكتٸ.
