Qazaqstan Prezidenti Qasym-Jomart Toqaev Eýraziialyq ekonomikalyq odaqqa múshe memleketterdiń basshylaryna qańtardaǵy úndeýi aiasynda EAEO elderi arasyndaǵy ózara saýdadaǵy kedergilerdi joiý Qazaqstannyń sózsiz basymdyǵyna ainalatynyn basa aitqan bolatyn. Eýraziialyq ekonomikalyq komissiia taýar, qyzmetter, kapital jáne jumys kúshiniń erkin qozǵalýyn shektep jatqan kedergilerdi alyp tastaý jáne jańa kedergilerdiń paida bolýyna jol bermeýdi belsendi ári ashyq júrgizý kerek. Osy oraida, keshe qazaqstandyq biznes ókilderi Eýraziialyq ekonomikalyq komissiia (EEK) Alqasynyń tóraǵasy Mihail Miasnikovichpen kezdesý ótkizdi. Atalǵan jiynda «Atameken» QR UKP Basqarma Tóraǵasy EAEO-ǵa múshe memleketterdegi biznes máselelerin turaqty negizde qaraýdy usyndy, - dep habarlaidy «Ult aqparat».
UKP Basqarma tóraǵasy Abylai Myrzahmetov júielilik naqty ýaqyt rejiminde problemalardy qadaǵalaýǵa qatysty máselelerdi kóterdi.
«Palatada máselelerdi aǵymdaǵy máseleler – kúndelikti ótinimder, biznesti qorǵaý boiynsha jeke suraqtar, konsýltatsiialar jáne júieli máseleler dep bólemiz. Bálkim, bes eldegi biznestiń ótinimderin qadaǵalaý, olardyń sheshilýin baqylaý úshin osyndai tizilim, elektrondy alańdy qurý boiynan usynysty qaraǵan jón bolar», – degen Abylai Myrzahmetov bizde túitkildi máseleler tizimi bar ekenin atap ótti.
Sonymen qatar, atalǵan jiynda kásipkerler tehnikalyq retteý jáne himiialyq ónimdi jappai tirkeý, avtomobil ónerkásibindegi kooperatsiia, dempingke qarsy sharalardy qoldaný, Odaq aýmaǵy arqyly qazaqastandyq taýarlardyń tranzitine qatysty máselelerdi kóterdi. Sondai-aq, jiynǵa qatysqan kásipkerler sonymen birge Belarýs Respýblikasy men Resei Federatsiiasy arqyly Qazaqstan Respýblikasyna ótetin fitosanitarlyq baqylaýǵa jatatyn «sanktsiialanǵan taýarlardyń» tranzitine tyiym salýmen bailanysty problemany atap ótti.
«Belarýs Respýblikasynyń ýákiletti organy Rosselhoznadzorǵa silteme jasap, fitosanitarlyq baqylaýǵa jatatyn sanktsiialanǵan taýaralrdy ótkizbeidi. Qazirgi kezde biz mundai taraýalrdyń tranzitin Resei-Latviia shekarasyndaǵy eki ótkizý beketi (Býrachki, Ýbylinka) arqyly ótkizip jatyrmyz. Mundai marshrýt jetkizýshilerge uzaq, ainalmaly. Bul jait QR aýmaǵyna ónimdi jetkizý merzimin orta eseppen 10-12 kúnge uzartyp jiberedi, sonymen qatar 1 júk kóligine orta eseppen 50 myń rýblge shyǵyn ákeledi», – dedi Vladimir Stepchenko.
«Atameken» QR UKP Kedendik retteý departamentiniń direktory Dina Mamasheva EAEO Kedendik kodeksine ózgerister engizýge qatysty alańdaýshylyǵyn bildirdi. Búginde qujatqa 309 túzetý engizilgen, qazaqstandyq tarap 58 túzetý engizdi, onyń ishinde 55 túzetý biznes ókilderi bastamalaǵan.
«Jumys damý strategiiasynyń jáne taraptardyń qandai sharalardy qarastyrýy kerektigi jaiynda túsinýdiń bolmaýyna bailanysty retsiz jáne júiesiz júrgizilýde. Kedendik ózara qarym-qatynas sheńderinde birden 4 kelisim boiynsha jumys bastalǵanyn basa aitqym keledi, sonyń ishinde tranzittiń biryńǵai júiesi týraly kelisim bar. Alaida usynystardy qaraý boiynsha toptar men qosalqy komitetterdi sany búginde 33 birlikti quraidy, olar tiimdi jumysqa kedergi keltirýde», - dedi «Atameken» QR UKP Kedendik retteý departamentiniń direktory Dina Mamasheva.
Kezdesý barysynda kásipkerlerge ár másele boiynsha túsindirme berildi. Barlyq kóterilgen problema hattamaǵa jazylyp, EEK jáne «Atameken» QR UKP baqylaýyna alyndy.
Esterińizge sala keteiik, Keshe qazaqstandyq biznes ókilderi Eýraziialyq ekonomikalyq komissiia (EEK) Alqasynyń tóraǵasy Mihail Miasnikovichpen kezdesý ótkizdi. Atalǵan jiynda «Atameken» QR UKP Basqarma Tóraǵasy EAEO-ǵa múshe memleketterdegi biznes máselelerin turaqty negizde qaraýdy usyndy. UKP Basqarma tóraǵasy Abylai Myrzahmetov júielilik naqty ýaqyt rejiminde problemalardy qadaǵalaýǵa qatysty máselelerdi kóterdi.
