Beseneden belgili bes saýsaǵymyz bar. Allaǵa shúkir, múrik te emes, shirik te emes. Bes saýsaqty jumsaq, jup-jumyr judyryq bolýshy edik. Ortalyq Aziiadaǵy 5 eldi aitamyn-aý...
Eýropalyq Odaqpen teńdei-aq - 4 mln shaqyrym aýmaǵy bar, 60 mln xalqy bar territoriiada eshkimniń yqpalynsyz-aq aimaqtyq integratsiia qurýǵa ne kedergi? Birimiz ańyrap Amerikaǵa qaraimyz, ekinshimiz Reseiden pana izdeimiz, úshinshimiz úsheýdiń ortasynda jan saýǵalaimyz, tórtinshimiz jeke dara aral, besinshimiz álemge esikti endi ashyp jatyrmyz... Ózinshe tamyr jaiǵan bes báiterek alyp ormanǵa ainalsa, ol ormanymyz - qorǵanymyz bolmai ma?
Shirkin-ai, Ortalyq Aziia Odaǵy qurylsa:
"Birligi bekem eldiń belin eshkim syndyra almaidy" - qaýipsizdikti qamtamasyz etýde qorǵanys kúshin biriktirer edi - bir,
"teńge tiynnan, birlik uiymnan quralady" - ózara alys-berimizdi údetip, ekonomikalyq yrysymyz eselener edi - eki,
"tozǵan qazdy, toptanǵan qarǵa alady" - imperiialardyń qysastyǵy men jahandanýdyń jańa qaýipterine tótep berer edik - úsh,
"saýsaq birikpei, ine ilikpeidi" - adami kapitaldy damytýǵa birigip kúsh salar edik - tórt,
"kúshengen emes, kúshi kóp jeńedi" - osy aimaqqa Allanyń ózi úiip-tógip bergen altyn, munai, gaz, ýrandarymyzdy igerip, álem shyǵyp ketken altynshy texnologiialyq "ýkladqa" sekiris jasaýǵa qamdanýshy edik qoi... Shyǵys pen Batystyń arasyna myǵym, qaqyramas altyn kópir ornatyp, Qytaiyńa qait, Reseiińe táit dep qoiyp, aýǵannan keletin esirtki trafigi men dini aǵymdarǵa birigip toitarys berip otyrýshy edik... Átteń...
Obalyna ne kerek, kezinde bizdiń Prezident talai usynys bildirip, tórteýge tórelik aitty. Eshkim qulaq aspady ǵoi...
Baldai sýy, mamyq aýasy, jyp- jyly jumaq mekennen ózbekter qaqaǵan aiazda qaida asyqty? Joqshylyq qyspasa, jaman kólikpen jolaýshylap nesi bar?
"Uly Jibek joly" jańǵyrmasa da, babalar jolynda baýyrlar qańǵyrmasa eken...
Dina Elgezektiń feisbýktegi jazbasynan
