Zańger Jandos Tuiaqov Astandaǵy 5 balanyń ólimi úshin úi qojaiyny jaýapqa tartylýy múmkin ekenin málimdedi.
Baspana iesi 2 jyldan 7 jylǵa deiin sottalýy múmkin. Al, buǵan deiin tótenshe jaǵdai mamandary ornatylǵan pesh qaýipsizdik talaptaryna sai kelmeitinin aityp, birneshe ret eskertý jasalǵanyn aitty. Sońǵy ret bir aptadai buryn eskertip ketken, dep habarlady "Astana" arnasy.
"Komissiia órt talaptaryna sáikes kelmegen dep anyqtaǵan jaǵdaida, osy oqiǵa boiynsha bul azamattar – "vremiankanyń" ieleri Qylmystyq kodekstiń 292-shi baby 2-shi bólimine sáikes qylmystyq jaýapkershilikke tartylady. Onda 2 jyldan 7 jylǵa deiin bas bostandyǵynan shekteý nemese bas bostandyǵynan sol ýaqytqa aiyrý jazasy qarastyrylǵan", - deidi Tuiaqov.
Buǵan deiin Ishki ister ministriniń orynbasary ákesiniń túngi ýaqytta jumysta bolǵan-bolmaǵany anyqtalyp, jumys berýshi de suralatynyn aitqan edi.
5 qyzynan aiyrylǵan Evgenii Siter sol túni Talapker kóshesinde ornalasqan Kólik jóndeý stansasynda jumys istegen. Alaida, ataý joq stansada abalaǵan itten ózge jan iesi kórinbedi. Al, Ishki ister ministrligi jumys berýshige qatysty tergeý jumystary jóninde qandai da bir aqpar berýden bas tartty.
