زاڭگەر جاندوس تۇياقوۆ استانداعى 5 بالانىڭ ٶلٸمٸ ٷشٸن ٷي قوجايىنى جاۋاپقا تارتىلۋى مٷمكٸن ەكەنٸن مەلٸمدەدٸ.
باسپانا يەسٸ 2 جىلدان 7 جىلعا دەيٸن سوتتالۋى مٷمكٸن. ال, بۇعان دەيٸن تٶتەنشە جاعداي ماماندارى ورناتىلعان پەش قاۋٸپسٸزدٸك تالاپتارىنا ساي كەلمەيتٸنٸن ايتىپ, بٸرنەشە رەت ەسكەرتۋ جاسالعانىن ايتتى. سوڭعى رەت بٸر اپتاداي بۇرىن ەسكەرتٸپ كەتكەن, دەپ حابارلادى "استانا" ارناسى.
"كوميسسييا ٶرت تالاپتارىنا سەيكەس كەلمەگەن دەپ انىقتاعان جاعدايدا, وسى وقيعا بويىنشا بۇل ازاماتتار – "ۆرەميانكانىڭ" يەلەرٸ قىلمىستىق كودەكستٸڭ 292-شٸ بابى 2-شٸ بٶلٸمٸنە سەيكەس قىلمىستىق جاۋاپكەرشٸلٸككە تارتىلادى. وندا 2 جىلدان 7 جىلعا دەيٸن باس بوستاندىعىنان شەكتەۋ نەمەسە باس بوستاندىعىنان سول ۋاقىتقا ايىرۋ جازاسى قاراستىرىلعان", - دەيدٸ تۇياقوۆ.
بۇعان دەيٸن ٸشكٸ ٸستەر مينيسترٸنٸڭ ورىنباسارى ەكەسٸنٸڭ تٷنگٸ ۋاقىتتا جۇمىستا بولعان-بولماعانى انىقتالىپ, جۇمىس بەرۋشٸ دە سۇرالاتىنىن ايتقان ەدٸ.
5 قىزىنان ايىرىلعان ەۆگەنيي سيتەر سول تٷنٸ تالاپكەر كٶشەسٸندە ورنالاسقان كٶلٸك جٶندەۋ ستانساسىندا جۇمىس ٸستەگەن. الايدا, اتاۋ جوق ستانسادا ابالاعان يتتەن ٶزگە جان يەسٸ كٶرٸنبەدٸ. ال, ٸشكٸ ٸستەر مينيسترلٸگٸ جۇمىس بەرۋشٸگە قاتىستى تەرگەۋ جۇمىستارى جٶنٸندە قانداي دا بٸر اقپار بەرۋدەن باس تارتتى.
