Foto: Ashyq derekkóz
Germaniia astanasy Berlinde Qazaqstan azamaty sheteldik arnaiy qyzmetke tyńshylyq jasady degen kúdikpen ustaldy. Bul týraly Deutsche Welle basylymy Germaniianyń Federaldyq prokýratýrasyna silteme jasap habarlady.
Atalǵan jaǵdaiǵa bailanysty Qazaqstan Respýblikasynyń Syrtqy ister ministrligi Germaniianyń quzyrly organdaryna resmi suraý joldaǵanyn málimdedi. Vedomstvo qazirgi ýaqytta resmi jaýap kútilip otyrǵanyn habarlady.
Tergeý málimetinshe, kúdikti – Qazaqstan azamaty Sergei K. Ol 28 sáýir kúni Federaldyq prokýratýra tarapynan qamaýǵa alynyp, onyń turǵylyqty mekenjaiynda, sondai-aq is boiynsha aiyp taǵylmaǵan taǵy bir tulǵanyń úiinde tintý júrgizilgen.
Bas prokýrordyń nusqasyna sáikes, Sergei K. Reseilik barlaý qyzmetiniń agenti retinde áreket etti degen kúdikke ilingen. Ol Germaniianyń Ýkrainaǵa kórsetip jatqan áskeri kómegi jáne eldiń qorǵanys ónerkásibine qatysty málimetterdi, sonyń ishinde ushqyshsyz ushý apparattary men robototehnika salasyndaǵy kompaniialar týraly derekterdi jinap, jetkizgen bolýy múmkin.
Qazirgi ýaqytta is boiynsha tergeý amaldary jalǵasyp jatyr.
