Qazaqstan Respýblikasy Prezidenti Ákimshiliginiń baspasóz hatshysy Berik Ýáli Ákimshilikte isteitin qyzmetkerler sanyna qatysty túsinikteme berdi, dep habarlaidy "Ult aqparat".
Bul týraly Berik Ýáli óziniń Facebook -paraqshasynda jazdy.
«Qazaqstan Respýblikasy Prezident Ákimshiligi qyzmetkerleriniń sany jaiynda áleýmettik jelilerde Memleket basshysy apparaty qyzmetkerleriniń sany 3 myń adam degen jalǵan (feik) aqparat tarap jatyr. Shyndyǵynda Prezident Ákimshiliginde 408 adam jumys isteidi. Onyń ishinde Qaýipsizdik keńesiniń 50 qyzmetkeri de bar. Buqaralyq aqparat quraldary ókilderi men áleýmettik jeli qoldanýshylaryn naqty derekke súienýge jáne shyndyqqa janaspaityn aqparatty taratpaýǵa shaqyramyz», - dep jazdy baspasóz hatshysy.
Sondai-aq ol jalǵan aqparatty qasaqana taratqandardyń jaýapqa tartylatynyn eskertti.
