QR Mádeniet jáne sport ministrligine qarasty «Berel» memlekettik tarihi-mádeni murajaiynyń direktory aqsha jymqyrdy degen kúdikke ilindi, dep habarlaidy "Ult aqparat".
Shyǵys Qazaqstan oblysynyń sybailas jemqorlyqqa qarsy qyzmeti «Berel» memlekettik tarihi-mádeni qoryq-murajaiynyń direktory men murajaidyń basqa da qyzmetkerlerine qatysty sybailas jemqorlyq qylmysyn jasady degen kúdik boiynsha sotqa deiingi tergeýdi bastady.
«Olar is júzinde qyzmet kórsetýsiz «Bitim» jáne basqa da úlestes jeke kásipkerlermen bir kózden alý tásilimen memlekettik satyp alý sharttaryn jalǵan jasasý arqyly júieli negizde 10 mln teńge somasynda biýdjet qarajatyn jymqyrdy degen kúdikke ilindi» delingen habarlamada.
Sotqa deiingi tergeý jalǵasyp jatyr.
Kúdiktige qatysty túpkilikti sheshimdi sot qabyldaidy.
