Nursultan Nazarbaev Túrikmenstan Prezidenti Gýrbangýly Berdimuhamedovpen kezdesti, - dep habarlaidy "Ult aqparat" Aqordaǵa silteme jasap.
Memleket basshysy G.Berdimuhamedovke Astanadaǵy «EKSPO-2017» halyqaralyq kórmesiniń ashylýyna shaqyrýyn qabyl alǵany úshin alǵys aitty.
– Shanhai yntymaqtastyq uiymynyń otyrysy aiaqtalyp, onyń qorytyndysy boiynsha uiym qataryna eki jańa memleket – Úndistan men Pákistan qabyldandy. Búginde ShYU degenimiz – bul 4 iadrolyq derjava, adamzattyń teń jartysy jáne álem ekonomikasynyń 30%-ǵa jýyǵy, – dedi Memleket basshysy.
Túrikmenstan Prezidenti Nursultan Nazarbaevqa Qazaqstanǵa shaqyrǵany úshin rizashylyq bildirip, «EKSPO-2017» halyqaralyq kórmesin ótkizýdiń ózektiligi zor ekenin atap ótti.
– Osyndai is-sharaǵa qatysyp otyrǵanymyzǵa qýanyshtymyz. «Bolashaqtyń energiiasy» taqyryby óte qyzyqty jáne kórme aiasyndaǵy kóptegen máseleler elderimiz úshin mańyzdy. Solardyń qatarynda ekologiia máselesi de bar, – dedi Túrikmenstan Prezidenti.
Nursultan Nazarbaev pen G.Berdimuhamedov Túrikmenstan Prezidentiniń biylǵy sáýir aiynda Qazaqstanǵa kelgen saparynan keiin ekijaqty qatynastardy damytýdyń oń qarqyny baiqalyp otyrǵanyn atap óti.
Kezdesý sońynda G.Berdimuhamedov Qazaqstan Prezidentin biylǵy qyrkúiek aiynda Ashhabadta jabyq ǵimaratta ótetin jáne jaýyngerlik óner synǵa túsetin V Aziia oiyndaryn tamashalaýǵa shaqyrdy.
.jpeg)