Túrkimenstan prezidenti Gýrbangýly Berdimuhamedov «qyzmetin asyra paidalandy» dep basy daýǵa qalǵan eldiń ishki ister ministri Iskender Mýlikovti jumystan qýdy. Berdimuhamedov ministrdiń qyzmetten ketkenin 1 qazanda úkimet otyrysynda jariialady.
Birer kún buryn bas prokýror Batyr Atdaev esebin jariialap, Mýlikovtiń «qyzmetin asyra paidalandy» degen kúdikke ilingenin aitqan.
Keiin ministrdiń Ashhabattaǵy meiramhanalary, kafeleri men dúkenderi tárkilenip, kólik júrgizýshisi ustaldy.
Mýlikov Túrkimenstan ishki ister ministri bolyp 2009 jyly mamyrda taǵaiyndalǵan. Onyń ornyna osyǵan deiin ministrler kabinetin basqarǵan Mammethan Chakyev keldi.
Túrkimenstanda ministrler men sot organdaryn jemqorlyqqa aiyptaý óte sirek jaǵdai. Gaz ben munai qoryna bai Túrkimenstan elin 2006 jyldan beri Gýrbangýly Berdimuhamedov basqaryp otyr. Ol 2017 jyly kúshtik qurylymdardy «tazartýǵa» tyrysyp, bas prokýrordy jumysynan alǵan. Sol kezde Berdimuhamedov Mýlikovke resmi túrde eskertý berip, politsiiadaǵy jemqorlyqty synaǵan.
