تٷركٸمەنستان پرەزيدەنتٸ گۋربانگۋلى بەردٸمۇحامەدوۆ «قىزمەتٸن اسىرا پايدالاندى» دەپ باسى داۋعا قالعان ەلدٸڭ ٸشكٸ ٸستەر مينيسترٸ يسكەندەر مۋليكوۆتٸ جۇمىستان قۋدى. بەردٸمۇحامەدوۆ مينيستردٸڭ قىزمەتتەن كەتكەنٸن 1 قازاندا ٷكٸمەت وتىرىسىندا جارييالادى.
بٸرەر كٷن بۇرىن باس پروكۋرور باتىر اتداەۆ ەسەبٸن جارييالاپ, مۋليكوۆتٸڭ «قىزمەتٸن اسىرا پايدالاندى» دەگەن كٷدٸككە ٸلٸنگەنٸن ايتقان.
كەيٸن مينيستردٸڭ اشحاباتتاعى مەيرامحانالارى, كافەلەرٸ مەن دٷكەندەرٸ تەركٸلەنٸپ, كٶلٸك جٷرگٸزۋشٸسٸ ۇستالدى.
مۋليكوۆ تٷركٸمەنستان ٸشكٸ ٸستەر مينيسترٸ بولىپ 2009 جىلى مامىردا تاعايىندالعان. ونىڭ ورنىنا وسىعان دەيٸن مينيسترلەر كابينەتٸن باسقارعان ماممەتحان چاكىەۆ كەلدٸ.
تٷركٸمەنستاندا مينيسترلەر مەن سوت ورگاندارىن جەمقورلىققا ايىپتاۋ ٶتە سيرەك جاعداي. گاز بەن مۇناي قورىنا باي تٷركٸمەنستان ەلٸن 2006 جىلدان بەرٸ گۋربانگۋلى بەردٸمۇحامەدوۆ باسقارىپ وتىر. ول 2017 جىلى كٷشتٸك قۇرىلىمداردى «تازارتۋعا» تىرىسىپ, باس پروكۋروردى جۇمىسىنان العان. سول كەزدە بەردٸمۇحامەدوۆ مۋليكوۆكە رەسمي تٷردە ەسكەرتۋ بەرٸپ, پوليتسيياداعى جەمقورلىقتى سىناعان.
