Básekelestikti qorǵaý jáne damytý agenttigi janyndaǵy birjalyq komitettiń sheshimi boiynsha benzinniń birjalyq saýdasy qaita bastaldy, dep habarlaidy "Ult aqparat".
Birinshi kúnniń qorytyndysy boiynsha saýda-sattyqtyń jalpy kólemi 13 satyp alýshy boiynsha 6 240 tonnany, aqsha ainalymy 1 191,7 mln teńgeni qurady. Úsh zaýyt (AMÓZ, PMHZ, PKOP) bólinisinde AI-92 ortasha ólshengen indeksi tonnasyna 182 429-den 191 760 teńgege deiin (zaýyttan 133,17-139,98 tg/l) qalyptasty.
Saýda-sattyq alty negizgi saýda quraly boiynsha AI-92 jáne AI-95 benzininiń markalary boiynsha úsh otandyq munai óńdeý zaýyttarynda júrgizildi.
Saýda sessiiasynyń basynda satýshylar men satyp alýshylar baǵa diapazonynyń joǵarǵy shegine jaqyn mámileler jasady. Keiinnen satýshylardyń baǵa ótinimderi satyp alýshylardyń joǵary deńgeide mámileler jasaǵysy kelmeýine bailanysty tómendeý úrdisine ie boldy. Saýda sessiiasynyń sońynda satyp alýshylar tarapynan 800 tonnaǵa jýyq suranys bolmady.
Benzinmen kelesi saýda-sattyq keste boiynsha ótedi:
- 2021 jyl 8 shilde
- 2021 jyl 14 shilde
- 2021 jyl 19 shilde
- 2021 jyl 23 shilde
Aita ketsek, Birjalyq saýdany damytý básekelestikti damytýdyń negizgi quraldarynyń biri bolyp tabylady, óitkeni naryqtyq ekonomikanyń negizi zańdy naryqtyq baǵa bolyp tabylady, onyń baǵasyn elde osy ýaqytqa deiin bolmaǵan taýar birjalarynda ǵana tabýǵa bolady.
