بەسەكەلەستٸكتٸ قورعاۋ جەنە دامىتۋ اگەنتتٸگٸ جانىنداعى بيرجالىق كوميتەتتٸڭ شەشٸمٸ بويىنشا بەنزيننٸڭ بيرجالىق ساۋداسى قايتا باستالدى, دەپ حابارلايدى "ۇلت اقپارات".
بٸرٸنشٸ كٷننٸڭ قورىتىندىسى بويىنشا ساۋدا-ساتتىقتىڭ جالپى كٶلەمٸ 13 ساتىپ الۋشى بويىنشا 6 240 توننانى, اقشا اينالىمى 1 191,7 ملن تەڭگەنٸ قۇرادى. ٷش زاۋىت (امٶز, پمحز, پكوپ) بٶلٸنٸسٸندە اي-92 ورتاشا ٶلشەنگەن يندەكسٸ تونناسىنا 182 429-دەن 191 760 تەڭگەگە دەيٸن (زاۋىتتان 133,17-139,98 تگ/ل) قالىپتاستى.
ساۋدا-ساتتىق التى نەگٸزگٸ ساۋدا قۇرالى بويىنشا اي-92 جەنە اي-95 بەنزينٸنٸڭ ماركالارى بويىنشا ٷش وتاندىق مۇناي ٶڭدەۋ زاۋىتتارىندا جٷرگٸزٸلدٸ.
ساۋدا سەسسيياسىنىڭ باسىندا ساتۋشىلار مەن ساتىپ الۋشىلار باعا دياپازونىنىڭ جوعارعى شەگٸنە جاقىن مەمٸلەلەر جاسادى. كەيٸننەن ساتۋشىلاردىڭ باعا ٶتٸنٸمدەرٸ ساتىپ الۋشىلاردىڭ جوعارى دەڭگەيدە مەمٸلەلەر جاساعىسى كەلمەۋٸنە بايلانىستى تٶمەندەۋ ٷردٸسٸنە يە بولدى. ساۋدا سەسسيياسىنىڭ سوڭىندا ساتىپ الۋشىلار تاراپىنان 800 تونناعا جۋىق سۇرانىس بولمادى.
بەنزينمەن كەلەسٸ ساۋدا-ساتتىق كەستە بويىنشا ٶتەدٸ:
- 2021 جىل 8 شٸلدە
- 2021 جىل 14 شٸلدە
- 2021 جىل 19 شٸلدە
- 2021 جىل 23 شٸلدە
ايتا كەتسەك, بيرجالىق ساۋدانى دامىتۋ بەسەكەلەستٸكتٸ دامىتۋدىڭ نەگٸزگٸ قۇرالدارىنىڭ بٸرٸ بولىپ تابىلادى, ٶيتكەنٸ نارىقتىق ەكونوميكانىڭ نەگٸزٸ زاڭدى نارىقتىق باعا بولىپ تابىلادى, ونىڭ باعاسىن ەلدە وسى ۋاقىتقا دەيٸن بولماعان تاۋار بيرجالارىندا عانا تابۋعا بولادى.
