Energetika ministri Maǵzum Myrzaǵaliev munai ónimderi tapshylyǵyn boldyrmaý úshin qandai jumystar atqarylatynyn aitty, dep habarlaidy Sputnik Qazaqstan.
Aitýynsha, munai óńdeý zaýyttaryn jańǵyrtý aiaqtalǵannan keiin óndirý kólemi ósken.
"Biyl 10 aida munai ónimderin óndirý kólemi 11,3 million tonnany nemese 2020 jyldyń uqsas kezeńimen salystyrǵanda 109%-ti qurady. Munai ónimderin óndirýdiń 2021 jylǵa arnalǵan jospary 13,1 million tonnany nemese 2020 jylǵy kórsetkishtiń 105%-in quraidy", - dedi Myrzaǵaliev úkimet otyrysynda.
Sondai-aq, onyń aitýynsha, qysqa jáne orta merzimdi perspektivada óndiristi odan ári arttyrý úshin birqatar is-shara josparlanǵan.
Biyl Aqtaý bitým zaýytynda bitým óndirý blogyn jańǵyrtý aiaqtalady. Bul óndiris qýatyn jylyna 400 myń tonnadan 450 myń tonnaǵa deiin ulǵaitady.
Munai óńdeý zaýyttary salynady
Budan bólek, Túrkistan oblysynda jeke investorlar munai óńdeý zaýyttaryn salyp jatyr. Olardy 2023 jyly aiaqtaý josparlanyp otyr.
Birinshi joba - Standart Retroleum & So. Zaýyttyń munaidy qaita óńdeý qýaty 2 million tonnaǵa teń (benzin 260 myń tonna, dizel otyny 500 myń tonna);
Ekinshisi – jylyna 100 myń tonna kómirden qaita óndeý arqyly sintetikalyq munai óndirýge múmkindik beretin "Standart Resorsiz" jobasy. Al keiin odan munai ónimderi shyǵarylady.
Buǵan qosa, ministr 2025 jyly Pavlodar munai óńdeý zaýytynda gidrotazartý qondyrǵysyn rekonstrýktsiialaý jobasy júzege asyrylatynyn atap ótti.
Rekonstrýktsiia nátijesinde buryn zaýytta óndirilmegen 160 myń tonna qystyq dizel otyny shyǵarylady.
"Joǵaryda kórsetilgen is-sharalardy iske asyrýdyń arqasynda munai ónimderin óndirý kólemi 2025 jylǵa qarai 2,2 million tonnaǵa deiin artyp, 15,3 million tonnany quraidy. 148,5 milliard teńge investitsiia tartylady", - dep túiindedi Myrzaǵaliev.
