ەنەرگەتيكا مينيسترٸ ماعزۇم مىرزاعاليەۆ مۇناي ٶنٸمدەرٸ تاپشىلىعىن بولدىرماۋ ٷشٸن قانداي جۇمىستار اتقارىلاتىنىن ايتتى, دەپ حابارلايدى Sputnik قازاقستان.
ايتۋىنشا, مۇناي ٶڭدەۋ زاۋىتتارىن جاڭعىرتۋ اياقتالعاننان كەيٸن ٶندٸرۋ كٶلەمٸ ٶسكەن.
"بيىل 10 ايدا مۇناي ٶنٸمدەرٸن ٶندٸرۋ كٶلەمٸ 11,3 ميلليون توننانى نەمەسە 2020 جىلدىڭ ۇقساس كەزەڭٸمەن سالىستىرعاندا 109%-تٸ قۇرادى. مۇناي ٶنٸمدەرٸن ٶندٸرۋدٸڭ 2021 جىلعا ارنالعان جوسپارى 13,1 ميلليون توننانى نەمەسە 2020 جىلعى كٶرسەتكٸشتٸڭ 105%-ٸن قۇرايدى", - دەدٸ مىرزاعاليەۆ ٷكٸمەت وتىرىسىندا.
سونداي-اق, ونىڭ ايتۋىنشا, قىسقا جەنە ورتا مەرزٸمدٸ پەرسپەكتيۆادا ٶندٸرٸستٸ ودان ەرٸ ارتتىرۋ ٷشٸن بٸرقاتار ٸس-شارا جوسپارلانعان.
بيىل اقتاۋ بيتۋم زاۋىتىندا بيتۋم ٶندٸرۋ بلوگىن جاڭعىرتۋ اياقتالادى. بۇل ٶندٸرٸس قۋاتىن جىلىنا 400 مىڭ توننادان 450 مىڭ تونناعا دەيٸن ۇلعايتادى.
مۇناي ٶڭدەۋ زاۋىتتارى سالىنادى
بۇدان بٶلەك, تٷركٸستان وبلىسىندا جەكە ينۆەستورلار مۇناي ٶڭدەۋ زاۋىتتارىن سالىپ جاتىر. ولاردى 2023 جىلى اياقتاۋ جوسپارلانىپ وتىر.
بٸرٸنشٸ جوبا - Standart رetroleum & سو. زاۋىتتىڭ مۇنايدى قايتا ٶڭدەۋ قۋاتى 2 ميلليون تونناعا تەڭ (بەنزين 260 مىڭ توننا, ديزەل وتىنى 500 مىڭ توننا);
ەكٸنشٸسٸ – جىلىنا 100 مىڭ توننا كٶمٸردەن قايتا ٶندەۋ ارقىلى سينتەتيكالىق مۇناي ٶندٸرۋگە مٷمكٸندٸك بەرەتٸن "ستاندارت رەسورسيز" جوباسى. ال كەيٸن ودان مۇناي ٶنٸمدەرٸ شىعارىلادى.
بۇعان قوسا, مينيستر 2025 جىلى پاۆلودار مۇناي ٶڭدەۋ زاۋىتىندا گيدروتازارتۋ قوندىرعىسىن رەكونسترۋكتسييالاۋ جوباسى جٷزەگە اسىرىلاتىنىن اتاپ ٶتتٸ.
رەكونسترۋكتسييا نەتيجەسٸندە بۇرىن زاۋىتتا ٶندٸرٸلمەگەن 160 مىڭ توننا قىستىق ديزەل وتىنى شىعارىلادى.
"جوعارىدا كٶرسەتٸلگەن ٸس-شارالاردى ٸسكە اسىرۋدىڭ ارقاسىندا مۇناي ٶنٸمدەرٸن ٶندٸرۋ كٶلەمٸ 2025 جىلعا قاراي 2,2 ميلليون تونناعا دەيٸن ارتىپ, 15,3 ميلليون توننانى قۇرايدى. 148,5 ميلليارد تەڭگە ينۆەستيتسييا تارتىلادى", - دەپ تٷيٸندەدٸ مىرزاعاليەۆ.
