Belgiianyń «Sciensano» qoǵamdyq densaýlyq saqtaý institýtynyń málimetinshe, elde COVID-19 virýsyn juqtyrý jáne aýrýhanaǵa jatqyzý oqiǵalarynyń sany kúrt ósip keledi, dep habarlaidy "Ult aqparat".
17-23 aqpan kúnderi aralyǵynda koronavirýsqa shaldyǵýdyń ortasha eseppen alǵanda 2 372,9 jańa oqiǵasy tirkeldi, bul bir apta buryn ýaqyttaǵy sanaýdan 25 paiyz kóp.
Belgiiada pandemiia bastalǵaly COVID-19 virýsyn 766 654 adam juqtyrǵan. Sońǵy eki aptada 100 myń adamǵa shaqqanda 259,7 myń oqiǵa anyqtaldy.
20-26 aqpan aralyǵynda aýrýhanaǵa ortasha eseppen alǵanda 137,9 patsient kelip tústi, bul bir apta burynǵy kórsetkishten, 16 paiyz kóp.
Belgiia aýrýhanalarynda jalpy alǵanda koronavirýsqa shaldyqqan 1838 patsient em alyp jatyr, bul aldyndaǵy kórsetkishten 77 oqiǵaǵa joǵary. Bul rette 400 patsient jansaqtaý bóliminde jatyr.
Qazirgi kezde Belgiiada 461 060 adamǵa (18 jáne odan eresek jastaǵy turǵyndardyń 5 paiyzy) vaktsina egildi, sonyń ishinde 296 169 turǵyn vaktsinanyń eki dozasyn alyp úlgerdi.
Infektsiianyń taralý koeffitsienti 1,12-ni quraǵan. Bul koronavirýsqa shaldyqqan bir adamnyń ortasha eseppen alǵanda bir adamǵa virýs juqtyratynyn jáne pandemiianyń qaita órship jatqanyn bildirtip otyr. Belgiia sarapshylary atalǵan statistikada pandemiianyń «úshinshi tolqynyn» kórip otyr.
