Belgiianyń Antverpen provvintsiiasynyń Mole mýnitsipalitetindegi Hemelrijck qarttar úiinde koronavirýs infektsiiasynan qaitys bolǵandar sany artýda, dep habarlaidy "Ult aqparat".
Jeltoqsannyń ortasynda atalǵan qarttar úiinde COVID-19-dyń taralýy tirkelgen bolatyn. Aldyn ala málimetter boiynsha infektsiiany taratýshy Aiaz ata bolyp kiingen animator bolýy múmkin. Keiinnen akterden koronavirýs anyqtalǵan bolatyn.
Qazirdiń ózinde 121 qart pen Hemelrijck mekemesiniń 36 qyzmetkeri qaýipti virýsty juqtyryp úlgerdi. 18 adam koronavirýstan qaitys boldy.
Mola biligi infektsiianyń taralý sebebi «Aiaz atanyi sapary» bolǵan-bolmaǵanyn áli kúnge deiin anyqtaýǵa tyrsýda.
«Birneshe zerthana infektsiianyń taralý kózin anyqtap jatyr. Biraq men áli nátijelerdi alǵan joqpyn. Sondyqtan qazirgi ýaqytta bul belgisiz bolyp qalmaq», - dep atap ótti qala meri V.Keiers.
VRT flamend teleýompaniiasynyń habarlaýynsha, qala meriiasy sharany jaqsy nietpen uiymdastyrmaq bolǵanyn aitqan.
«Mekeme jumyskerleri barlyq qyzmetker men zeinetker maskalyq rejimdi saqtaǵanyn aitqan. Biraq shyn mánisinde olai bolmaǵan. Fotolarǵa qarap rejimdi saqtamaǵanyn túsinýge bolady», - dedi V. Keiers.
